ERI сарапшылары ҚР ЕХӘҚМ өкілдеріне Қазақстанның ҰБО қызметі туралы айтып берді

Қазақстанның ҰБО  – ЭЫДҰ басқарушы қағидаттарының ережелерін бұзу туралы өтініштер бойынша шешімдер қабылдайтын алқалы кеңесші орган. Қазақстанның ҰБО ҚР Ұлттық экономика министрлігі тұлғасында 2017 жылдан бастап жұмыс істейді

3 тамызда Қазақстанның Ұлттық байланыс орталығының Хатшылығы («Экономикалық зерттеулер институты» АҚ, бұдан әрі – ҰБО) ұйымдастырған ҚР Еңбек және халықты әлеуметтік қорғау министрлігінің өкілдеріне арналған онлайн семинар өтті.

Хатшылық өкілдері Қазақстан ҰБО-ның қызметі мен жұмыс істеуі туралы айтып берді, сондай-ақ көпұлтты кәсіпорындар үшін ЭЫДҰ басқарушы қағидаттарының ережелерін түсіндірді

Тараптар ҰБО-ның ҚР Еңбек және халықты әлеуметтік қорғау министрлігімен бірлескен ынтымақтастығын және оны одан әрі дамыту жолдарын талқылады.

Сондай-ақ, қатысушылар еңбек саласына қатысты проблемалық мәселелерді шешу үшін қайта кездесуге мүдделілігін атап өтті.

Семинар соңында ҰБО қызметінің өзектілігі және бірлескен ынтымақтастыққа, сондай-ақ Қазақстан Республикасы Үкіметінің 2022 жылғы 14 сәуірдегі № 218 қаулысымен бекітілген «Халық табысын арттырудың 2025 жылға дейінгі бағдарламасы» кешенді жоспарының жекелеген тармақтарын іске асыруға үлкен қызығушылық атап өтілді.

Анықтамалық: 

Ұлттық байланыс орталығы (ҰБО)  — көпұлтты кәсіпорындар үшін ЭЫДҰ басқарушы қағидаттарының ережелерін бұзу туралы, оның ішінде ақпаратты ашу, адам құқықтары, еңбек және өндірістік қатынастар, парақорлықпен күрес, сатып алу және қорқытып алу, қоршаған ортаны қорғау, тұтынушылардың мүдделері, ғылым мен технология мәселелері бойынша қаралатын өтініштер бойынша шешімдер қабылдайтын алқалы кеңесші орган.