ҰБО және "Нобел АФФ"
21.07.2023
2023 жылғы 21 шілдеде "Экономикалық зерттеулер институты" АҚ (ERI) атынан Қазақстанның Ұлттық байланыс орталығының (бұдан әрі – ҰБО) Хатшылығы "Нобел Алматы Фармацевтикалық Фабрикасы" АҚ – мен (бұдан әрі-Нобел) кездесу өткізді. Кездесуге ҰБО тарапынан ҰБО Хатшылығының Басшысы А. Қасенова, Орталық директорының орынбасары И. Бейсекеева, жетекші сарапшы Г. Маканова және жобалар бойынша ассистент А. Мусина қатысты. Нобел тарапынан госпиталь секторын дамыту бөлімінің және заң бөлімінің басшылары мен қызметкерлері қатысты. Кездесу аясында Хатшылық өкілдері Қазақстан ҰБО-ның ағымдағы жұмысы, қызметі және жұмыс істеуі туралы айтып берді, сондай-ақ ЭЫДҰ-ның халықаралық стандарттарына және ЭЫДҰ-ның көпұлтты кәсіпорындарға арналған Басшылық қағидаттарына егжей-тегжейлі тоқталды. Өз кезегінде Нобел ҰБО қызметіне қызығушылық танытты, сондай-ақ ЭЫДҰ-ның Басшылық қағидаттарын іске асыруға және таратуға дайын екенін білдірді. Қорытындылай келе, тараптар ЭЫДҰ-ның үздік халықаралық тәжірибелерге сәйкес бизнесті жауапты жүргізу үшін жағдай жасау үшін ұсынған стандарттарын одан әрі зерделеуге қызығушылық білдірді, өйткені көпұлтты кәсіпорындардың қызметі көбінесе бірнеше елдерді және әртүрлі мәдени, құқықтық және реттеуші жағдайларды қамтиды. Сонымен қатар, көптеген кәсіпорындар жауапты іс-әрекеттерді қабылдайды, бизнесті жауапкершілікпен жүргізу тәжірибесін енгізеді, диалогқа ықпал етеді және мүдделі тұлғалармен өзара әрекеттеседі. Анықтамалық: Ұлттық байланыс орталығы- ЭЫДҰ-ның көпұлтты кәсіпорындарға арналған Басшылық қағидаттары ережелерінің бұзылуы туралы, оның ішінде ақпаратты ашу, адам құқықтары, еңбек және өндірістік қатынастар, парақорлыққа қарсы күрес, пара беру және бопсалау, қоршаған ортаны қорғау, тұтынушылардың мүдделері, ғылым мен технология, бәсекелестік және салық салу мәселелері бойынша қаралатын өтініштер негізінде шешімдер қабылдайтын алқалы кеңесші орган. "Нобел АФФ" АҚ компаниясы ТМД-дағы қызметін кеңейте отырып, Қазақстандағы дәрілік заттардың жетекші отандық өндірушісі болып табылады.
Қарау саны: 1258 |
|
||||||||||||||||||||||||||||||||||||||||||||||||||||||||||||||||||||||||||||||||
|
