ОЭСР Жауапты бизнесті жүргізу жөніндегі жұмыс тобының отырысы: стандарттар мен саясаттарды ілгерілету
20.11.2024
2024 жылдың 20 қарашасында жауапты бизнесті жүргізу жөніндегі ОЭСР жұмыс тобының (бұдан әрі – WPRBC) екі күндік отырысы аяқталды. Онда жауапты бизнес-тәжірибелерді жаһандық деңгейде дамытуға бағытталған механизмдерді нығайту және саясаттарды ілгерілету мәселелері талқыланды. ОЭСР Хатшылығы сенімді жасанды интеллект (бұдан әрі – ЖИ) үшін әзірленген тиісті сақтық шаралары бойынша басшылық жобасын таныстырды. Бұл жоба ОЭСР-дің тиісті сақтық шараларының негіздемелік бағдарламасы аясында әзірленген. Талқылау барысында ЖИ технологияларын дамытуға этикалық қағидаларды енгізудің және жаңа технологиялық шешімдерге ЖБЖ стандарттарын біріктірудің маңыздылығы атап өтілді. Қазақстанның ҰКО Хатшылығының өкілі талқылауға белсенді қатысып, құжат жобасы бойынша құнды пікірлер беріп, тәуекелдерді бағалау және басымдықтарды айқындау әдістемесін енгізу қажеттігін, сондай-ақ жауапты ЖИ саясатын енгізу бойынша егжей-тегжейлі нұсқаулық жасаудың маңыздылығын атап өтті.  Қатысушылар тиісті сақтық саясаты саласындағы ынтымақтастықтың Инклюзивті платформасы бастамасы бойынша прогресті қарады. Аталған платформаның алғашқы отырысы 2025 жылдың наурыз айына жоспарланған. Сондай-ақ, мемлекеттердің жауапты бизнесті жүргізуді ілгерілету бойынша рөлі туралы ұсынымдарды іске асыру және тарату жөніндегі іс-қимыл жоспары аясындағы келесі қадамдар, соның ішінде үздік тәжірибелер бойынша анықтамалық құру талқыланды. Делегаттар мен мүдделі тараптар өз ұсыныстарымен бөлісті. Словакия, Латвия және Португалия жақында өткен ОЭСР сараптамалық бағалауларында алған ұсынымдарды іске асыру бойынша жетістіктер туралы есептерін ұсынды. Латвия өзінің Ұлттық байланыс орталығының (ҰБО) қызметіндегі жаңартулармен бөлісіп, ЖБЖ мәселелерін шешудегі жетістіктерге тоқталды. Қазақстан өкілі Латвияның баяндамасы бойынша пікір білдіріп, Латвия ҰБО-ның одан әрі дамуы үшін ілгерілету жоспарын тез арада әзірлеудің маңыздылығын атап өтті. Делегаттар ынтымақтастық пен жетілдіру мүмкіндіктерін талқылады. Қатысушылар WPRBC келесі төрағасын тағайындау критерийлері мен процесін талқылап, ЖБЖ басымдықтарын ілгерілетудегі сабақтастықты қамтамасыз ету қажеттігін атап өтті. Сонымен қатар, 2025 жылға арналған басқару процестері туралы жаңартулар, оның ішінде Инвестициялық комитет жұмысының тереңдетілген бағасы және оның мандатын ұзарту мәселелері ұсынылды. Отырыс ОЭСР-дің ЖБЖ дамытудың негізгі салаларына, атап айтқанда, ЖИ этикасына, мемлекеттерге ЖБЖ енгізуде қолдау көрсетуге және ҰБО желісін нығайтуға деген адалдығын растады. Қазақстанның белсенді қатысуы елдің ЖБЖ саласындағы жаһандық күн тәртібін қалыптастырудағы өсіп келе жатқан рөлін көрсетеді.
Қарау саны: 105 |
|
||||||||||||||||||||||||||||||||||||||||||||||||||||||||||||||||||||||||||||||||
|
