2025 жылғы 30 шілдеде Қазақстанның Ұлттық байланыс орталығының (ҰБО) Хатшылығы мен Қазақстан Республикасы Кәсіподақтар федерациясы (ҚРКФ) ынтымақтастықтың жаңа деңгейлерін айқындау мақсатында кездесу өткізді. Мақсат бір – ЭЫДҰ-ның көпұлтты кәсіпорындарға арналған Басшылық қағидаттарында баяндалған халықаралық стандарттарға сүйене отырып, қызметкерлердің әлеуметтік-еңбек құқықтарын қорғауды нығайту.
Анықтамалық:
Қазақстан ЭЫДҰ-ның халықаралық
инвестициялар туралы декларациясына
2017 жылы қосылып, 48-ші қатысушы мемлекет
болды. ҰБО құру осы халықаралық
міндеттемелерді іске асырудағы маңызды
қадам болды. ҰБО азаматтық қоғам мен
бизнес арасындағы диалог алаңы ретінде
қызмет етеді, дауларды реттеуге ықпал
етеді және бизнесті жауапты жүргізу
стандарттарын ілгерілетеді.
Кездесу
барысында ҰБО Хатшылығының басшысы Ж.
Төлегенова бірлестіктер бостандығын,
ұжымдық келіссөздерді және қауіпсіз
еңбек жағдайларын қоса алғанда, еңбек
құқықтары саласындағы халықаралық
стандарттарды қамтитын «ЭЫДҰ-ның
Басшылық қағидаттары: кәсіподақтарға
арналған құрал» атты таныстырылымын
ұсынды. Талқылау барысында ҚРКФ төрағасы
Сатыбалды Дәулеталин еңбекшілердің
құқықтарын қорғау кәсіподақтар үшін
басты басымдық болып табылатынын атап
өтті. Тараптар бұл қағидаттар кәсіподақтар
үшін әлеуметтік диалогты ілгерілету
жөніндегі жұмыста қуатты қосымша құрал
болып табылады деген қорытындыға келді.
Талқылау
ынтымақтастықтың нақты тетіктерін,
атап айтқанда, ҚРКФ өкілдерінің қатысуымен
дауларды шешу үшін медиацияны пайдалануды
қозғады. Кездесу қорытындысы бойынша
тараптар бірлескен жұмыс туралы келісті:
қызметкерлердің хабардарлығын арттыру
және олардың құқықтарын қорғаудың
ұлттық жүйесін нығайту үшін іс-шаралар
мен консультациялар өткізу.
