Мемлекеттік қызметтерді цифрландыру

Енді «Мемлекеттік жер кадастрынан мәліметтер беру», «Жер учаскесінің кадастрлық (бағалау) құнын айқындау», «Жобаланатын жер учаскесін МЖК ААЖ графикалық деректерімен келісу», «Жер учаскесіне актілер дайындау және беру», «Жер учаскесінің сапалық жай-күйі туралы мәліметтер беру» сияқты қызметтер egov.kz. электрондық үкімет порталында қолжетімді болады.

Қажетті нормативтік-құқықтық актілерді мемлекеттік органдар бекітті, қызметтер тестілік режимде іске қосылды. НҚА заңды күшіне енгеннен кейін порталда қызметтерді кез келген адам ала алады.

«Жер бойынша көрсетілетін қызметтердің көпшілігі тек қағаз түрінде және көрсетілетін қызметті алушы мемлекеттік корпорацияның бас кеңестеріне жеке келген кезде ғана ұсынылды. Цифрлық технологиялар ғасырында тұрғылықты жеріне байланысты болу, қызмет нәтижесін бірнеше күн, тіпті бірнеше апта күту, әрине, ыңғайсыз. Сондықтан біз жер қатынастары саласы бойынша ең жоғары талап етілетін қызметтерді көрсету мерзімдерін қайта қарадық және оларды барынша азайттық. Сонымен қатар, egov.kz порталындағы қолжетімділік оларды тұрғылықты жеріне байланыстырмай, яғни әлемнің кез келген нүктесінде алуға мүмкіндік береді. Басты шарт-электрондық цифрлық қолтаңбаның болуы», - деп хабарлайды «Азаматтарға арналған үкімет» мемлекеттік корпорациясының баспасөз қызметі Басқарма төрағасы Мәди Садановтың сөзін.

Егер жобаланатын жер учаскесін МЖК ААЖ графикалық деректерімен келісу мерзімі бұрын күнтізбелік 15 күнді құраса, қазір ол 7 жұмыс күніне дейін қысқарды. Сәйкестендіру құжатын дайындау мерзімі алты жұмыс күнінен төрт күнге дейін қысқарды. Мемлекеттік жер кадастрынан мәліметтерді ұсыну мерзімі үш жұмыс күнінен 15 минутқа дейін қысқарды.  

Жаңа қызметтер egov.kz. порталының «Жылжымайтын мүлік» бөлімінің «Жер қатынастары» бөлімшесінде қолжетімді болады.