04.11.2020
Орталық Азиядағы IT-стартаптардың ірі технопаркі Astana Hub HexGn халықаралық зерттеу және консалтингтік ұйымымен ынтымақтастық туралы меморандум жасасты. Компания өз бағдарламаларын әлемнің 20-дан астам елінде жүзеге асырады.
Ынтымақтастық аясында HexGn Startup Explore бағдарламасын іске қосады. Бұл қазақстандық студенттер мен жоғары сынып оқушылары үшін инновациялық экономикада жұмыс істеуге мамандарды оқытуға және даярлауға бағытталған 24 апталық преакселерациялық бағдарлама. Бағдарлама тегін оқуға гранттарды қарастырады.
Оқыту ағымдағы жылдың 30 қарашасында басталады және жасанды интеллект, финтех, киберқауіпсіздік, электрондық коммерция және т. б. салалардағы сарапшылармен теориялық және практикалық сабақтарды қамтиды. Жастар өздерінің стартап-жобасын бастауға және инновациялық экономикада жұмыс істеу үшін қажетті дағдыларды дамытуға мүмкіндік алады.
Бағдарламаға қатысуға өтінімді барлық қазақстандық студенттер мен жоғары сынып оқушылары жібере алады. Өтінімдерді қабылдау 2020 жылғы 25 қарашаға дейін ұзартылды. Оқыту тілі-ағылшын. Нәтижесінде қатысушылар Startup Explore өткендігі туралы сертификаттарға ие болады.
Қарау саны: 2943
Сақталған: 05.11.2020
