ҚХА-ның XXVIII сессиясы

Нұр-Сұлтанда Қазақстан халқы Ассамблеясымен сайланатын, Қазақстан Республикасы парламенті мәжілісі депутаттарын сайлау жөніндегі Қазақстан халқы Ассамблеясының XXVIII сессиясы өтіп жатыр. Қазақстан халқы Ассамблеясынан (ҚХА) Парламент Мәжілісі депутаттарының сайлауында дауыс беруге Елбасы Нұрсұлтан Назарбаев, Қазақстан Президенті Қасым-Жомарт Тоқаев, ҚР Премьер-Министрі Асқар Мамин қатысты.

ҚР Парламенті Мәжілісінің депутаттарына  ҚХА Кеңесі ұсынған кандидаттарға дауыс беру «Қазақстан Республикасындағы сайлау туралы» Конституциялық заңның 93-1 бабына сәйкес өткізіледі.

ҚР Тұңғыш Президенті Нұрсұлтан Назарбаев ассамблея барлық адамдарды бірлік пен төзімділікке шақыратын бірегей орган екенін атап өтті. «Осындай бірліктің, бір-бірімізге деген сенімділіктің арқасында біз елдегі тұрақтылық пен тыныштықты сақтаймыз, соның арқасында ел дамиды. Сол себепті біз осы жылдар ішінде мемлекеттің іргесі мен негізін қаладық (...) Биыл біз пандемияға байланысты қиын жағдайларға тап болдық, алайда бұл Қазақстан бастан кешіріп отырған алғашқы дағдарыс емес. Менің ойымша, біз мұны да сіздермен бірге жеңеміз», - деді Назарбаев дауыс беруден кейін. Ол Мәжіліс депутаттығына бүгінгі таңда дауыс берілген тоғыз кандидаттар Қазақстанда тұратын әр түрлі этностардың, әртүрлі ұлттардың өкілдері екенін атап айтты.

Мемлекет басшысы Қасым-Жомарт Тоқаев, ҚР Премьер-Министрі Асқар Мамин, ҚР Премьер-Министрінің орынбасары Ералы Тоғжанов, Сенат спикері Мәулен Әшімбаев, ҚР Ұлттық қауіпсіздік комитетінің төрағасы Кәрім Мәсімов, сондай-ақ министрлер мен Ассамблеяның басқа мүшелері дауыс бергенін атап өткен жөн.

Қазақстан халқы Ассамблеясының кеңесі Қазақстан халқы Ассамблеясымен сайланатын Қазақстан Республикасы Парламенті Мәжілісінің депутаттығына 9 кандидатты, олардың ішінде Сауытбек Абдрахманов, Аветик Амирханян, Ильяс Буларов, Наталья Дементьева, Юрий Ли, Вакил Набиев, Шамиль Осин, Владимир Тохтасунов, Абилфас Хамедовты ұсынды.


Дауыс беру Бейбітшілік және келісім сарайының ғимаратында өтеді.