ДСҰ

Қазақстанның Сауда және интеграция министрі Бақыт Сұлтанов 29 қаңтарда Швейцария Үкіметі ұйымдастырған виртуалды форматта Дүниежүзілік сауда ұйымына (ДСҰ) мүше елдердің сауда министрлерінің бейресми кездесуіне қатысты.

Министрлер ДСҰ-ның 12-ші министрлік конференциясының негізгі басымдықтарын пандемия кезінде туындаған дағдарысты қалпына келтіруге жәрдемдесу мақсатында, сондай-ақ Ұйымның өзекті күн тәртібі бойынша маңызды нәтижелерге қол жеткізу үшін қажетті жағдайларды, оның ішінде балық аулауды субсидиялау жөніндегі Келісім бойынша келіссөздерді аяқтау үшін жиналды. Іс-шараны Швейцария Президенті Г.Пармелин ашты, сондай-ақ Еуропалық Одақтың сауда жөніндегі комиссары В. Домбровскис, Ресейдің экономикалық даму министрі М. Решетников, Қытайдың Коммерция министрі В. Ван, Корея Республикасының Сауда министрі М. Ю, ДСҰ Бас директорының орынбасары А. Вульф сөз сөйледі. Жалпы, іс-шара Женевада 36 елдің сауда министрлері мен ДСҰ жанындағы өкілдіктер басшыларының қатысуымен өтті.

Қазақстанның Сауда және интеграция министрі Бақыт Сұлтанов өз сөзінде көпжақты сауда жүйесі үшін және жаһандық пандемия кезеңінде ДСҰ-ны реформалау бойынша жұмысты жандандыру және ағымдағы келіссөздерде маңызды прогреске қол жеткізу бойынша бірлескен күш-жігердің маңызды екенін атап өтті. Сұлтанов ДСҰ сот органының қызметін толық қалпына келтіру және Апелляциялық органның қызметін одан әрі жақсарту қажеттігін атап өтті.

Әлемдік экономика мен сауданы қалпына келтіруге, сондай-ақ дағдарыстан кейінгі уақытта орнықты жаһандық экономикалық өсуге электрондық сауда, инвестицияларға жәрдемдесу, сондай-ақ көрсетілетін қызметтерді ішкі реттеу саласындағы жаңа жаһандық сауда қағидалары ықпал ететін болады. Атап айтқанда, Министр пандемия электрондық сауданы дамыту үшін елеулі әлеуетті және бизнес пен тұтынушылар үшін өсіп келе жатқан мүмкіндіктерді анықтағанын атап өтті. Мәселен, 2020 жылдың бірінші 1-ші жартыжылдығында электрондық сауда нарығының көлемі 435 млрд. теңгені құрады.

Министр Сұлтанов Қазақстан ДСҰ-ның алдағы конференциясы барысында келіссөздердің табысты аяқталуына және қызметтер саласындағы жаңа Қағидалардың қабылдануына елеулі үлес қосып отырғанын мәлімдеді, осыған байланысты жақында ұйымға болашақ қағидаларды енгізетін өзінің Қызметтер тізбесін ұсынды. Осылайша, біз ДСҰ-ның басқа 60 мүшесіне қосылдық, олардың үлесіне жиынтығында әлемдік қызметтер саудасының 73% тиесілі. Министр көрсетілетін қызметтер саласындағы жаңа Қағидалар инвестициялық ахуалды жақсартуға және көрсетілетін қызметтер саласын дамытуға ықпал ететінін атап өтті.

"Қазақстан ДСҰ-ға кірген сәттен бастап соңғы үш жылда қызмет көрсету саласына шетелдік инвестицияларды тартуда оң үрдіс байқалады, олар 30% - ға дейін ұлғайды. Жалпы, Қазақстанның ЖІӨ-дегі қызметтер секторының үлесі шамамен 56% - ды құрайды. Бұдан басқа, қаржы секторындағы міндеттемелерді орындау ретінде 5 жылдық өтпелі кезең аяқталғаннан кейін 2020 жылғы 16 желтоқсаннан бастап Қазақстан шетелдік инвесторларға еншілес компаниялармен қатар елде жұмыс істеу үшін банктер мен сақтандыру ұйымдарының тікелей филиалдарын ашуға мүмкіндік береді. Бұдан басқа, Қазақстан теңізге шығатын жолы жоқ ірі ел, сондай - ақ теңізге шығатын жолы жоқ дамушы елдердің Жаһандық тобының төрағасы бола отырып, осы елдер тобының мүдделерін қорғауды қамтамасыз етуге ерекше мүдделі, осыған байланысты балық аулауды субсидиялау жөніндегі көпжақты келісім бойынша келіссөздерді аяқтауға шақырады", - делінген ҚР Сауда және интеграция министрлігінің сайтында.

Кездесу қорытындысы бойынша ДСҰ-ға мүше елдердің Сауда министрлері Ұйымды реформалау және ДСҰ-ның 12-ші министрлік конференциясына субстантивтік шешімдер дайындау бойынша күш-жігерді нығайту туралы уағдаластыққа қол жеткізді.