Салық заңнамасы

Қазақстанда салықтық рақымшылықтың қорытындысы шығарылды. Миллионнан астам азаматтарға 2 млрд теңге қарыз есептен шығарылды.

Жыл қорытындысы бойынша салықтық рақымшылықты 1 057 764 азамат пайдаланды, олар 14 849 385 721 теңге (68%) мөлшерінде негізгі борыш сомасын төледі және 2 050 503 348 теңге (48%) сомасында өсімпұл есептен шығарылды. Жеке тұлғалардың мүлік, жер және көлік құралдары салығы бойынша негізгі борыш сомасын төлеуі өсімпұлды есептен шығарудың басты шарты болды.

Салықтық рақымшылық 2020 жылғы 2 шілдедегі ҚР Заңына сәйкес жүргізілді.

Елімізде жергілікті өзін-өзі басқару бойынша жобаны іске асыру жалғасуда. Құжат аудандық маңызы бар қалалардың, ауылдардың, кенттердің және ауылдық округтердің кіріс базасын кеңейтеді.

Осылайша, салықтың төрт түрі жергілікті өзін-өзі басқаруға беріледі.

Жергілікті өзін-өзі басқару туралы Заңға сәйкес, бірінші кезекте ақша жіберілетін шешімдер Ауыл тұрғындарының жиналысында қабылданады. Жаңа заң жобасымен әкімдер аппараттарына өз бюджеттерін 20% - дан аспайтын көлемде түзетуге мүмкіндік беріледі, бюджеттерді бекіту рәсімі оңайлатылады, сондай-ақ өз түсімдері көлемінің 10% - нан аспайтын мөлшерде ауылдық бюджет резервін құру көзделеді.

"Азаматтық бақылау – чекті талап ет" жобасы іске асырылуда, ол азаматтық қоғамды кірістерді жасыратын азаматтарға қатысты нөлдік төзімділік танытуға тартуға бағытталған.

Сондай-ақ, 2021 жылдың басынан бастап "Виртуалды қойма" модулінде рәсімделетін тауарларға ілеспе жүкқұжаттарды ресімдеу бойынша жоба басталды.

Мемлекеттік кірістер комитетінің мәліметінше, дүкендердегі чектердің берілмегені туралы хабарламалар үшін қазақстандықтарға 4,5 миллион теңге төленген.