Бірінші жартыжылдықта 55 млн тонна көмір өндірілді

Барлық өндіріс дәстүрлі түрде Павлодар (бес айдың қорытындылары бойынша ҚР-дың 62,5%) және Қарағанды (ҚР-дың 31,8%) облыстарында шоғырланған.
 
Бес айдың қорытындылары бойынша қазақстандық өндірушілер көмірге сұранысты (экспорт және ішкі нарықта өткізуді қоса алғанда) 99,4%-ға қамтамасыз етті. Көмір мен лигнит экспортының үлесіне ресурстардың 22,4%-ы тиесілі: сыртқы нарықтарға 10,5 млн тонна көмір жіберілді — бұл осындан бір жыл бұрынғы көлемнен 2,8%-ға артық.
 
ИИДМ деректеріне сәйкес ағымдағы жылы 120 млн тонна көмір өндіру жоспарланып отыр. Оның ішінде, елдің ішкі нарығына 82 млн тонна көмір жеткізіледі, экспортқа 38 млн тонна шығарылады. Бұдан басқа, жеткізілімдер көлемін Украинаға 80 мың тоннаға және ҚХР-ға 50 мың тоннаға ұлғайту мәселелері пысықталып жатыр.