Ұлттық тауарлар каталогында жыл соңына дейін 30 000 тауар орналастырылады

Сауда министрлігі Қазақстанда электрондық сауданы дамыту шаралары туралы айтып берді.

Ұлттық тауарлар каталогында 2021 жылдың соңына дейін 30 000 тауар орналастырылады, деп хабарлады ҚР Сауда және интеграция вице-министрі Әсел Жанасова Сауда министрлігінің алқа отырысында.

"Бүгінде2021 жылдың 1 қазанынан бастап әлеуметтік маңызы бар азық-түлік тауарларын (ӘМАТ) кодтау бойынша кешенді жобаны  өткізу бойынша әдістемелік ұсынымдар бекітілді. Баға мониторингі жүйесінің прототипі үшін техникалық тапсырма әзірленді", — деді Әсел Жанасова.

Оның айтуынша, каталогта медиа мазмұны, салмағы және басқа да тұтынушылық сипаттамалары бар тауарлардың цифрлық көшірмелері болады.

Каталог бизнеске:

• Тауарлар туралы деректерді цифрлауға, сақтауға және редакциялауға арналған бірыңғай құралды;
  
  
  
• Бөлшек саудагерлердің нарыққа жаңа өнімдерді енгізуін жеделдетуді;
  
  
  
• Кез келген АТ-шешімдермен, соның ішінде маркетплейстермен және интернет-дүкендермен деректер алмасуды;
  
  
  
• Тауарларды тұтынушылардан кері байланыс жинауды ұсынады.

Вице-министр Қазақстанда электрондық сауданы дамыту үшін қабылданып жатқан шаралар туралы айтты.

Электрондық коммерция негіздерін оқыту үшін ағымдағы жылы jumysbar.kz білім беру платформасында оқыту модулі іске қосылды, оған білім беру материалдары, бейне сабақтар, түрлі сәтті онлайн-кәсіпкерлермен сұхбат кіреді.

Қыркүйек айынан бастап СИМ ШОБ-ты бизнесті онлайн жүргізуге оқыту бойынша SmartDuken.kz платформасын іске қосады  .Осы жылдың өзінде платформада 4 курс іске қосылады.

ЕАЭО-ға мүше мемлекеттер төлемдерді төлеуді оңайлатуға және барлық кедендік операцияларды жүзеге асыруға , сондай-ақ тауарларды алушылар үшін қолайлылықты арттыруға бағытталған сыртқы электрондық сауда саласында пилоттық жоба (эксперимент) жүргізуді жоспарлап отыр.

Жоба сондай-ақ кедендік әкімшілендіруді едәуір жеделдетуге және интернет-сауда шеңберінде рәсімдерді оңайлатуға мүмкіндік беретін электрондық сауда операторы институтын енгізуді көздейді.

Жыл соңына дейін Автоматтандырылған трансшекаралық сауда-есеп айырысу интеграцияланған жүйесін (АТСИЖ) іске қосу  

жоспарлануда. Бұл платформа "Бір белдеу, Бір жол" бастамасы аясында сыртқы экономикалық қызметтің барлық қатысушыларына  

ақпараттық қызметтердің толық спектрін алуға мүмкіндік береді. Жүйе  

"Бірыңғай терезе" түрінде ұсынылады, бұл сыртқы экономикалық қызмет қатысушыларына сауда қызметінің барлық кезеңдерінен өтуге мүмкіндік береді -сыртқы экономикалық келісімшарт жасасудан бастап жеткізілген тауарларға және көрсетілген қызметтерге есеп айырысуды жүргізуге  

дейін.

2019 жылы ҚР-дағы электрондық сауда нарығының көлемі шамамен 700 млрд теңгені құрады, ал 2020 жылы бұл көрсеткіш екі есе өсіп, 1,1 трлн. теңгеден асып, бөлшек сауданың жалпы көлемінің 9,7% - ына жетті.