БЖЗҚ-ның жаңа онлайн қызметі — ерікті зейнетақы жарналары есебінен төлемдерді алу

enpf.kz сайты арқылы ЭЦҚ арқылы.өтініш беру керек  

БЖЗҚ-да кемінде бес жыл болған ерікті зейнетақы жарналары есебінен төлемдерді алу үшін салымшылар enpf.kz сайты арқылы өтініш бере алады деп хабарлайды ҚР Зейнетақы қорының баспасөз қызметі.

enpf.kz сайтындағы жеке кабинетте  зейнетақы төлемдерін тағайындау туралы өтініш беру қызметі БЖЗҚ-да зейнетақы жинақтары бар алушыларға ұсынылатыны атап өтілген:

• міндетті зейнетақы жарналары және (немесе) міндетті кәсіптік зейнетақы жарналары есебінен: I немесе II топтағы мүгедектігі бар адамдарға — мерзімсіз;
• ЕЗЖ есебінен;
• 50 жасқа толған адамдарға;
• мүгедектігі бар адамдарға;
• ЕЗЖ сомасы және оларға есептелген инвестициялық табыс шегінде зейнетақы жинақтары бар, БЖЗҚ-да кемінде бес жыл болған адамдарға төленеді.
  
  

Ерікті зейнетақы жарналары (ЕЗЖ) – бұл салымшылар (алушылар) өз бастамасы бойынша БЖЗҚ-ға төлейтін ақша. Оларды жеке тұлғалар да, жеке және заңды тұлғалар да үшінші тұлғаның пайдасына енгізе алады. ЕЗЖ төлеу мөлшері мен кезеңділігін салымшылар дербес белгілейді.

2021 жылғы 1 мамырдан бастап "Қазақстан Республикасында зейнетақымен қамсыздандыру туралы" Қазақстан Республикасының Заңына өзгерістер күшіне енді, соған сәйкес:

— ЕЗЖ есепке алу үшін жеке зейнетақы шотын ашу үшін негіз, оның ішінде БЖЗҚ-ға келіп түскен бірінші ЕЗЖ болып табылады. Салымшыға (алушыға) БЖЗҚ кеңсесіне барудың қажеті жоқ. Пайдасына ЕЗЖ жүргізілетін жеке тұлғаны сәйкестендіру ЕЗЖ аудару кезінде төлем тапсырмасының электрондық форматында көрсетілген оның дербес деректері (ТАӘ, ЖСН, туған күні) бойынша жүзеге асырылады, ал барлық қажетті мәліметтер: жеке тұлғаның жеке басын куәландыратын қолданыстағы құжаттың деректемелері туралы, тұрақты тұратын жері туралы, БЖЗҚ өзге де мәліметтерді мемлекеттік органдардың тиісті ақпараттық жүйелерінен алады;

— ЕЗЖ есебінен БЖЗҚ-дан зейнетақы төлемдерін алу құқығы, оның ішінде ЕЗЖ сомалары шегінде зейнетақы жинақтары және оларға есептелген, БЖЗҚ-да кемінде бес жыл болған инвестициялық кірісі бар тұлғаларда туындайды.

Осы жылғы 1 тамыздағы жағдай бойынша, аталған өзгерістер күшіне енгеннен кейін, БЖЗҚ-да кемінде бес жыл болған ЕЗЖ есебінен зейнетақы төлемдерін алу құқығын шамамен 2,8 мың алушы БЖЗҚ кеңселеріне беру арқылы пайдаланды. Қазір ЕЗЖ есебінен жинақтарды төлеуге өтінішті үйден шықпай-ақ беруге болады.