2021 жылдың қаңтар-тамыз айларындағы

Әсет Ерғалиев Үкіметке 2021 жылдың қаңтар-тамыз айларындағы ҚР әлеуметтік - экономикалық даму қорытындыларын ұсынды

3,5% өсе отырып, нақты сектор экономика тұрақтылығының факторы болып қалуда.

Ұлттық экономика министрі Әсет Ерғалиев Үкімет отырысында Қазақстанның 2021 жылғы қаңтар-тамыздағы әлеуметтік - экономикалық дамуының қорытындылары туралы айтты, деп хабарлайды министрліктің

баспасөз қызметі.

«Ағымдағы жылдың қаңтар-тамыз айларында экономиканың өсімі 3% құрады. Нақты сектор экономика тұрақтылығының факторы болып қалуда. Оның өсімі 3,5%- ды құрады», — деді ҰЭМ басшысы.

Жоғары көрсеткіштер құрылыста – 2,5 есеге, өңдеу өнеркәсібінде – 81,7%, ауыл шаруашылығында – 43,2%, саудада – 39,9%, ақпарат және байланыс саласында – 37%, жылжымайтын мүлікпен жасалатын операцияларда – 16,2% және көлікте - 9% өскені байқалады.

Министрдің айтуынша, қаңтар-шілде айларында сыртқы тауар айналымы 53,7 млрд долларды, оның ішінде экспорт 32 млрд долларды құрады.

Өңделген тауарлардың экспорты 23,4% - ға 10,4 млрд долларға дейін өсті, тауарлардың импорты 21,7 млрд долларды құрады. Осылайша, 10,4 млрд доллар деңгейінде оң сауда теңгерімі қамтамасыз етілді.

Өңдеу өнеркәсібі тұрақты өсу үрдісін сақтап отыр. Өндіріс көлемі 5,8%-ға өсті. Қызмет көрсету саласындағы іскерлік белсенділік 2,3%-ға дейін артты.

2021 жылдың қаңтар-тамыз айларында орындалған құрылыс жұмыстарының көлемі 11,4%-ға өсті. 8,9 млн шаршы метр тұрғын үйі пайдалануға берілді.

Ауыл шаруашылығының көлемі 2%-ға өсті.

Ұлттық экономика министрлігінің басшысы елдің макроэкономикалық тұрақтылығын сақтау үшін орталық және жергілікті атқарушы органдардың инвестицияларды тартуға, инвестициялық жобалардың мониторингіне, егінді жинау көрсеткіштеріне қол жеткізуге, жемшөп дайындауға және құрылыс жұмыстары маусымын аяқтауға дайындыққа аса назар аударуы қажет екенін атап өтті.

Сондай-ақ инфляцияға қарсы ден қою шаралары кешенін жедел орындау, халықты вакцинациялау, ШОБ қызметін қалпына келтіруге белсенді түрде көмектесу және «Еңбек» және «Жұмыспен қамту жол картасы» бағдарламаларының аясында жұмысқа орналастыру шараларын іске асыру басымдыққа ие.

Сондай-ақ оқыңыз: ҚР ҰЭМ басшысы Үкіметке 2021-2024 жылдарға арналған инфляцияға қарсы ден қою шараларының кешенін ұсынды