Төлем карточкалары бойынша 10 операцияның 9-ы

Төлем карточкалары бойынша 10 операцияның 9 — ы қолма-қол ақшасыз тәсілмен жүргізілді-ҚР ҰБ.

Халықтың қолма-қол ақшасыз операциялары көлеміндегі онлайн-операциялардың үлесі 83% - ға дейін өсті. 

2021 жылдың 8 айында қазақстандықтар төлем карточкаларын пайдалана отырып, 56,3 трлн теңге сомаға 4 млрд операция жүргізді, деп хабарлайды ҚР Ұлттық банкінің баспасөз қызметі.

Бұл 2020 жылғы ұқсас көрсеткіштерден  2,2 және тиісінше 2 есе асып түседі.

"Төлем карточкалары бойынша 10 операцияның 9-ы қолма-қол ақшасыз тәсілмен жүргізілді", - делінген хабарламада.

Сондай-ақ, қолма-қол ақшасыз операциялар көлемінің жалпы құрылымында онлайн-операциялар үлесінің өсуі тіркелді.

Ағымдағы жылдың қаңтар-тамыз айларында барлық қолма-қол ақшасыз операциялардың 67% - ы интернетте немесе мобильді қосымшалар арқылы жүргізілді (2,5 млрд операция).

"Халықтың қолма-қол ақшасыз операциялары көлеміндегі онлайн-операциялардың үлесі 83% — ға дейін өсті және 35,9 трлн теңгені құрады", - деп толықтырды ҚР ҰБ.


Сондай-ақ оқыңыз: Бір жыл ішінде ҚР-да онлайн-сауда көлемі екі есеге артты-ERI сарапшылары