Нұр-Сұлтандағы Бизнестің жол картасы:

Нұр-Сұлтанда 21 тамызға дейін "Бизнестің жол картасы-2025" бағдарламасы аясында мемлекеттік гранттар беру мерзімі ұзартылды.

БЖК шеңберінде гранттарды бөлу жөніндегі конкурсқа шағын кәсіпкерлік субъектілері, оның ішінде ісін жаңа бастаған және жас кәсіпкерлер, әйелдер, мүмкіндігі шектеулі адамдар және 50 жастан асқан адамдар қатыса алады. Ақша-екіден бес миллион теңгеге дейін тегін беріледі.

Бағдарламаның шарттарына сәйкес келетін әрбір кәсіпкер бір бизнес-жоба бойынша конкурстық іріктеудің қатысушысы бола алады. Бұл ретте ол өзінің бизнес-жобасын іске асыруға арналған шығыстарды ұсынылатын мемлекеттік грант көлемінің кемінде 10% - ы мөлшерінде қоса қаржыландыруы тиіс.

Талап халықтың әлеуметтік осал топтары үшін міндетті болып табылмайды.

Сондай-ақ, жаңа жұмыс орындарын құру, бизнес-жобада инфрақұрылымды құрумен инвестициялық жоспардың болуы шарттардың бірі болып табылады.

Жаңа бизнес-идеяларды іске асыру үшін мемлекеттік грант қаражатын үлестес не компаниямен байланысты тұлғалардан негізгі активтерді сатып алуға (қызметтер алуға, жұмыстарды орындауға), сондай-ақ пайдалануда болған жабдықтарды сатып алуға пайдалануға болмайды.