Экология және қоршаған ортаны қорғау мәселелері

2030 жылға қарай Қазақстанда ЖЭК-тен энергия үлесі 5 есеге 3% - дан 15% - ға дейін артады

Көміртекті сіңіру әлеуеті 2 жылға қарай 2025 миллиардтан астам ағаш отырғызу арқылы артады.

ҚР Премьер-Министрі Асқар Маминнің төрағалығымен өткен Үкімет отырысында экология және қоршаған ортаны қорғау мәселелері қаралды, деп хабарлайды primeminister.kz. сайты.

Атқарылып жатқан жұмыстар туралы Экология, геология және табиғи ресурстар министрі Серікқали Брекешев, Энергетика министрі Мағзұм Мырзағалиев, Индустрия және инфрақұрылымдық даму бірінші вице — министрі Қайырбек Өскенбаев, Ауыл шаруашылығының бірінші вице-министрі Айдарбек Сапаров, Ақтөбе облысының әкімі Оңдасын Оразалин, Атырау облысының әкімі Махамбет Досмұхамбетов, Қарағанды облысының әкімі Жеңіс Қасымбек баяндады.

1 қарашада Глазгода өткен БҰҰ СОР26 Саммиті шеңберінде Қазақстан климаттың өзгеруіне қарсы күреске бейілділігі туралы ұстанымын растады.

ҚР парниктік газдар шығарындыларын 15% - ға азайту міндеттемесін қабылдай отырып, әлемде алғашқылардың бірі болып Париж келісімін ратификациялады. Қойылған мақсатқа қол жеткізу үшін елімізде ұлттық деңгейде айқындалған үлес (ҰДАҮ) жаңартылды, сондай-ақ жаңа Экологиялық кодекс қабылданды.

Қазақстанның көміртегі бейтараптығына қол жеткізуі бойынша қабылданған міндеттемелер шеңберінде 2060 жылға қарай Үкімет энергетика, өңдеуші өнеркәсіп, ауыл және орман шаруашылығы, көлік, ТКШ және қалдықтарды кәдеге жаратуға баса назар аудара отырып, экономиканың барлық секторларында елеулі реформаларды көздейтін стратегиялық құжат әзірлейді. 

Көміртекті бейтараптыққа жерді пайдалану мен суды пайдаланудың тұрақтылығын, экономиканың энергетикалық тиімділігін арттыру, электрлендіру және экологиялық таза және жаңартылатын энергия көздерін кең ауқымда пайдалану арқылы қол жеткізіледі. 

Парниктік газдар шығарындыларын азайту жөніндегі жоспарларды іске асыру кезінде нарықтық тетіктер мен жеке инвестициялардың әлеуеті барынша пайдаланылатын болады.

БҰҰ СОР26 саммитінің қорытындысы бойынша Қазақстан орман және жерді пайдалану жөніндегі декларацияға, сондай-ақ жастарды оқыту және тарту жөніндегі міндеттемеге қосылды.  

Бүгінгі таңда Аралдағы экологияны жақсарту жұмыстары аясында теңіздің құрғаған түбіне 1,1 млн га жерге сексеуіл отырғызу жалғасуда. Биыл сексеуіл егу 100 мың га алқапта, келесі 4 жылда жыл сайын 250 мың га алқапта жүргізілетін болады.

Қоқыс тастайтын жерлерді жою және болдырмау бойынша жұмыстар жүргізілуде. Бүгінгі таңда 7,3 мың полигонның 86% (6,3 мың) жойылды. Рейдтік іс-шаралар жүргізілді, 17 мыңға жуық құқық бұзушы жауапкершілікке тартылды.

2022 жылдан бастап Нұр-Сұлтан, Алматы, Шымкент, Өскемен, Ақтөбе және Қарағанды қалаларында қоқысты қайта өңдеу зауыттарын салу жобалары іске асырыла бастайды. 

Атмосфералық ауаның сапасын жақсарту, қалдықтарды басқару жүйесін жетілдіру, елдің су объектілерінің экожүйелерін, биоалуантүрлілікті сақтау және ерекше қорғалатын табиғи аумақтарды дамыту жөніндегі шаралар "Жасыл Қазақстан" ұлттық жобасында көзделген.

Үкімет басшысы Ұлттық экономика министрлігіне 2022 жылдың 1 сәуіріне дейін көміртектік бейтараптыққа қол жеткізу жөніндегі стратегияның пысықталған жобасын енгізуді тапсырды.

Экология министрлігіне әкімдіктермен бірлесіп, қолданыстағы заңнаманың жаңа талаптарына сәйкес құрылыс полигондарын құру мәселесін пысықтау, сондай-ақ жол карталарын әзірлеу және елдің 10 қаласында ірі кәсіпорындардың ластаушы заттар шығарындыларын азайту көрсеткіштеріне қол жеткізу бойынша шаралар қабылдау тапсырылды.

Энергетика министрлігіне әкімдіктермен бірлесіп, жеке сектор мен шаруашылық жүргізуші субъектілерді газдандыру мәселелерін жандандыру тапсырылды. "Nur Otan" партиясының сайлауалды бағдарламасына сәйкес, 2025 жылға қарай халықты газдандыру үлесі 60%— ға жетеді-11,7 млн адам газға қол жеткізеді.

Барлық өңірлердің әкімдіктеріне экологиялық жағдайды жақсарту жөніндегі Жол карталары шеңберінде 2021 жылға жоспарланған барлық іс-шаралардың орындалуын қамтамасыз ету тапсырылды.

Сондай-ақ оқыңыз: ҚР Премьер-Министрі COP26 климаттың өзгеруі жөніндегі жаһандық саммитке қатысты