Кәсіпкерлер назарына

Бизнестің жауапкершілігін арттыруды ескере отырып, біз кәсіпкерлік қызмет түрлерінің 90 пайызына дейін ескерту сипатын қолдануға келіскенімізді атап өткім келеді, бұл кезде бизнес өз жауапкершілігімен, яғни тексерусіз санитариялық нормаларды сақтауға кепілдік береді", - деп атап өтті Денсаулық сақтау министрі Алексей Цой.

Сонымен қатар, ол барлық кәсіпкерлік субъектілеріне ЭЦҚ арқылы www.infokazakhstan.kz электрондық портал көмегімен тіркеуден өту қажеттігін еске салды.

«Кәсіпкерлік қызметті www.infokazakhstan.kz алаңында тіркелмей қайта бастау заңды бұзушылық болып табылатынын атап кеткім келеді.

 Кәсіпкерлерді осы порталдың мүмкіндіктерін пайдалануға шақырамын, ол қосымша құжаттарды толтырмай, 10 минут ішінде өтінім жіберуге мүмкіндік береді», - деп атап өтті Алексей Цой.

Электрондық платформаның 14 тамыздан бастап жұмыс істейтінін атап кеткім келеді. Онда кәсіпорынның жұмысты қайта бастауға дайындығын тексеруге, санитарлық нормаларға сәйкестік актісін алуға өтініш беруге болады. Сонымен қатар, ресурс қызметтерін бір уақытта 150 мың адам пайдалана алады.

Сонымен қатар, сайтта оқыту бейнероликтері бар. Қоғамдық бақылау функциясы жұмыс істейді. Кез-келген тұрғын компанияның санитариялық нормаларды бұзғаны туралы шағым жасай алады.

Естеріңізге сала кетейік, эпидемиологиялық жағдайдың тұрақтануына байланысты Үкімет карантиндік шараларды кезең-кезеңімен жеңілдету жоспарын бекітті, оған сәйкес 17 тамыздан бастап бірқатар бизнес нысандары үшін шектеулер алып тасталады. Жұмысты қайта бастайтын объектілер келушілер мен өз қызметкерлеріне термометрия жүргізуге, жеке қорғаныс құралдарын пайдалануға, сондай-ақ дезинфекция туралы ұмытпауға міндетті.