30 қарашада Мемлекет басшысы "Қазақстан Республикасының Ұлттық қорынан 2022 – 2024 жылдарға арналған кепілдендірілген трансферт туралы" ҚР Заңына қол қойды, деп хабарлады Ақорданың баспасөз қызметі.
Аталған заң жобасын Парламент 18 қарашада қабылдады.
Ұлттық қордан 2022-2024 жылдарға арналған республикалық бюджетке кепілдендірілген трансферттің мөлшері: 2022 жылы – 2,4 трлн теңге, 2023 жылы – 2,2 трлн теңге және 2024 жылы-2 трлн теңге.
Қаражат республикалық бюджеттен ынтымақты зейнетақылар мен мемлекеттік базалық зейнетақы төлемдерін төлеуге бағытталатын болады.
Заң 2022 жылғы 1 қаңтардан бастап қолданысқа енгізіледі.
Бұдан бұрын Мәжілісте заң жобасының таныстырылымында Ұлттық экономика министрі Әсет Ерғалиев 2022 жылы Ұлттық қордан 550 млрд теңге мөлшерінде нысаналы трансферт тарту көзделіп отырғанын, одан әрі оны 2023-2024 жылдары жыл сайын 400 млрд теңгеге дейін қысқарту көзделгенін хабарлады.
