Қазақстан СОР26 шеңберіндегі міндеттемелерді уақтылы орындайды — Асқар Мамин

ҚР Премьер-Министрі Асқар Маминнің төрағалығымен өткен Инвестициялық климатты жақсарту жөніндегі кеңестің (ИКЖК) отырысында жаңартылатын энергия көздерін дамыту және климаттың өзгеруі жөніндегі жаһандық саммиттің қорытындылары бойынша Қазақстанның міндеттемелерін іске асыру шеңберінде ҚР-дың төмен көміртекті экономикаға көшуі мәселелері қаралды, деп хабарлады primeminister.kz сайты.

"Жасыл экономиканы" дамыту және жаңартылатын энергия көздеріне шетелдік инвестицияларды тарту перспективалары туралы ҚР Американдық Сауда Палатасының (АСП) атқарушы директоры Дорис Брэдбюри, Халықаралық экономикалық агенттіктің атқарушы директоры Фатих Бирол, Халықаралық валюта қорының Еуразия бөлімінің басшысы Николас Бланше, ЭЫДҰ Салық саясаты орталығының директоры Паскаль Сент-Аман, ЕҚДБ — ның Қазақстан бойынша директоры Хусейн Өзхан, Италияның ҚР-дағы елшілері Марко Альберти, Нидерланды-Андре Карстенс, сондай-ақ EY, Eni және т. б. компаниялардың өкілдері баяндама жасады.

Экология, геология және табиғи ресурстар министрі Серікқали Брекешев, Энергетика министрі Мағзұм Мырзағалиев, Ұлттық экономика министрі Әсет Ерғалиев қабылданып жатқан шаралар туралы ақпарат берді.

Экономиканы декарбонизациялау процесінің ұйымдастырушылық, заңнамалық және қаржылық аспектілері, шығарындыларды азайту бойынша Қазақстанның ұлттық деңгейде айқындалған үлесін (ҰДАҮ) іс жүзінде іске асыруы, энергетикалық теңгерімді оңтайландыру және жаңартылатын энергия көздерін және жалпы "жасыл" экономиканы дамытуға инвестициялар көлемін одан әрі ұлғайту талқыланды.

Үкімет басшысы БҰҰ-ның Глазгодағы (Шотландия) Климаттың өзгеруі жөніндегі негіздемелік конвенциясының (СОР26) әлемдік көшбасшыларының Саммитінде Қазақстан 2030 жылға қарай жаңартылатын көздерден алынатын энергия көлемін 3% - дан 15% - ға дейін 5 есе ұлғайту, 2 млрд-тан астам ағаш отырғызу есебінен көміртекті сіңіру әлеуетін арттыру, сондай-ақ 2060 жылға қарай ҚР-ның көміртегі бейтараптығына қол жеткізуін қамтамасыз ету жөніндегі өз мақсатын жария еткенін атап өтті.

Премьер-Министр Қазақстанның баламалы энергетиканы дамыту саласына шетелдік капитал мен озық технологияларды тарту үшін инвестициялық ортаны жақсарту жөнінде бірқатар шаралар қабылдағанын атап өтті. 

Нәтижесінде, 2020 жылы жалпы қуаты 600 МВт болатын жаңартылатын энергетика саласында 25 жоба пайдалануға берілді. Инвестиция көлемі 510 млн доллардан асты.

2021 жылдың қорытындысы бойынша 445 млн доллар инвестиция тарта отырып, жалпы қуаты 450 МВт болатын 22 жоба іске қосылады.

Асқар Мамин энергетика секторын жаңғыртуға және ҚР жаңартылатын энергия көздерін дамытуға салынатын инвестициялардың одан әрі өсуіне ағымдағы жылдың 1 желтоқсанында Дубайда "Самұрық-Қазына" АҚ мен Abu Dhabi Developmental Holding Company (ADQ) тәуелсіз қоры арасындағы стратегиялық ынтымақтастық туралы келісімге, сондай-ақ ҚР-да жалпы қуаты 4 ГВт күн және жел электр станцияларын салу жөніндегі инвестициялық құжаттарға қол қою ықпал ететінін атап өтті.

Сондай-ақ оқыңыз: Жаңартылатын энергетика және денсаулық сақтау саласындағы жобаларды іске асыру барысы