ҚР Премьер-Министрінің өкімі бойынша Отандық кәсіпкерлер кеңесі құрылды, деп хабарлайды adilet.zan.kz ҚР НҚА ақпараттық-құқықтық жүйесінің порталы.
"Отандық кәсіпкерлер кеңесі ҚР Үкіметі жанындағы консультативтік-кеңесші орган болып табылады", - делінген Кеңес туралы Ережеде.
Кеңестің міндеттері:
1) төмендегі мәселелер бойынша ұсынымдар мен ұсыныстар әзірлеу:
— Қазақстан Республикасының әлеуметтік-экономикалық дамуы-;
— Қазақстан Республикасының кәсіпкерлік мәселелері бойынша заңнамасын жетілдіру ;
— нарықтық экономиканың дамуын және ел экономикасына отандық инвестициялардың тартылуын ынталандыратын жағдай жасау;
— іскерлік және инвестициялық ахуалды бағалау және жақсарту;
2) кәсіпкерлік және инвестициялық саясат саласындағы өзге де мәселелерді қарау және талқылау.
Отандық кәсіпкерлер кеңесінің құрамына ҚР Премьер-Министрі, бірқатар министрлер, түрлі одақтардың, бірлестіктердің, қауымдастықтардың өкілдері және т.б. кірді.
Қазақстан Республикасы Ұлттық экономика министрлігі Кеңестің жұмыс органы болып табылады.
Қатысушылардың толық тізімімен сілтеме бойынша танысуға болады.
