Қазақстанда іске асырылып жатқан инвестициялық жобалар пулы
11.04.2022
Қазақстанда отандық және шетелдік инвесторлардың іске асырылып жатқан инвестициялық жобаларының пулы жарияланды ҚР Президенті Қасым-Жомарт Тоқаевтың Үкіметтің кеңейтілген отырысында берген тапсырмасын орындау аясында ағымдағы жылдың ақпан айында Қазақстанда іске асырылып жатқан инвестициялық жобалардың бірыңғай пулы құрылды, деп хабарлады ҚР Премьер-Министрінің баспасөз қызметі.
Үкімет инвестициялық жобалар пулын пысықтады. Оларға шикізаттық емес секторларда құны 500 млн теңгеден басталатын отандық және шетелдік инвесторлардың кәсіпкерлік субъектілерінің жобалары енгізілген.
Жобалардың толық тізімі Сыртқы істер министрлігінің, Ұлттық экономика министрлігінің, "KAZAKH INVEST" ҰК" АҚ мен АХҚО-ның ресми сайттарында жарияланды және қолжетімді. Бұдан басқа, салалар бөлінісінде жобалар бейінді министрліктердің сайттарында, өңірлер бөлінісінде — қалалар мен облыстар әкімдіктерінің сайттарында жарияланды.
Инвестициялық жобалар пулының мысалдары
Жарияланған ақпарат шеңберінде мынадай деректер ұсынылған: жобаның атауы, инвестор елі, іске асырудың басталу күні және болжамды пайдалануға беру күні, өңір, жауапты мемлекеттік орган, инвестициялар сомасы және жұмыс орындарының саны. Жобалар бойынша ақпарат әр түрлі сатылардағы жобалардың дамуына байланысты тоқсан сайынғы негізде жаңартылатын болады.
Қарау саны: 2047 |
|
||||||||||||||||||||||||||||||||||||||||||||||||||||||||||||||||||||||||||||||||
|
