10 маусымда Нұр-Сұлтанда Қазақстан Республикасы Премьер-Министрінің орынбасары – Сауда және интеграция министрі, Тәуелсіз Мемлекеттер Достастығы Экономикалық кеңесінің төрағасы Бақыт Сұлтановтың төрағалығымен ТМД Экономикалық кеңесінің 94-отырысы өтті. Іс-шарада көпжақты экономикалық ынтымақтастықтың кең ауқымды мәселелері қаралды.

Биыл Қазақстан Республикасы Тәуелсіз Мемлекеттер Достастығына төрағалық етті.

Күн тәртібіне 15 мәселе енгізілді.

Бақыт Сұлтановтың айтуынша, ТМД-ға қатысушы мемлекеттердегі экономикалық жағдайдың мониторингі бойынша сарапшылар тобы дайындаған бұл құжат ұлттық экономикаларға сыртқы экономикалық қатерлерді нивелирлеуге, түрлі салалардағы өзара тиімді ынтымақтастықты арттыруға бағытталған.

"Бүгінгі күрделі экономикалық жағдайда сауда-өнеркәсіп палаталарының ынтымақтастығы сауда және кооперациялық байланыстардың тұрақтылығын қамтамасыз етуде, әлеуметтік маңызы бар тауарлардың тапшылығын болдырмау, шағын және орта бизнестің бәсекеге қабілеттілігін арттыру бойынша қосымша резервтер іздеуде елдеріміздің кәсіпкерлік қоғамдастығына жәрдемдесуі тиіс және бола алады", — деді Бақыт Сұлтанов. 

Қатысушылар қызметтер саудасы, инвестициялар құру, қызмет және инвестицияларды жүзеге асыру туралы Келісім жобасын әзірлеу процесін талқылады. 2011 жылғы тауарлардың еркін сауда аймағы туралы Шартпен қатар, бұл өзара сауда көлемін одан әрі арттыру үшін мүмкіндіктерді кеңейтуге мүмкіндік беретін экономикалық саладағы өте маңызды құжат.  

Отырыс шеңберінде 2019-2021 жылдары ТМД – ға қатысушы мемлекеттер палаталары басшылары кеңесінің қызметі туралы есеппен ТМД – ға қатысушы мемлекеттер палаталары басшылары кеңесінің төрағасы, Түркіменстан Сауда-өнеркәсіп палатасының төрағасы Довлатгелди Реджепов сөз сөйледі. ТМД Атқарушы Комитеті мен Кеңес арасында тығыз ынтымақтастық қалыптасқаны, іскерлік байланыстар орнатылғаны, жүргізіліп жатқан жұмыстарды өзара ақпараттандыру мен үйлестіру жолға қойылғаны атап өтілді. 

ТМД – ға қатысушы мемлекеттерде мемлекеттік материалдық резервтерді басқаруды жүзеге асыратын мемлекеттік билік органдары басшыларының консультативтік кеңесінің төрағасы, Беларусь Республикасы Төтенше жағдайлар министрлігінің материалдық резервтер департаментінің бастығы Евгений Бондарь 2017-2021 жылдары ТМД – ға қатысушы мемлекеттерде мемлекеттік материалдық резервтерді басқаруды жүзеге асыратын мемлекеттік билік органдары басшыларының консультативтік кеңесінің қызметі туралы ақпарат ұсынды. 

Баяндамаларды тыңдағаннан кейін қатысушылар ТМД – ға қатысушы мемлекеттер палаталары басшылары кеңесінің 2019-2021 жылдардағы қызметін және ТМД – ға қатысушы мемлекеттерде 2017-2021 жылдары мемлекеттік материалдық резервтерді басқаруды жүзеге асыратын мемлекеттік билік органдары басшылары Консультативтік кеңесінің қызметін мақұлдады.

Делегация басшылары экономикалық кеңестің 95-ші отырысын 23 жылдың 2022 қыркүйегінде Мәскеуде өткізу туралы шешім қабылдады.