10% акцияларының сату

ҚР Үкіметі бастамашылық еткен жекешелендіру бағдарламасын орындау шеңберінде «Самұрық-Қазына» ҰӘҚ «Қазақтелеком» мен «Эйр Астан» акцияларының 10% - ын сатады. Осыған ұқсас қағидат бойынша «Самұрық-Энерго», «Қазпочта», "Қазақ Эйр» сияқты компанияларды өткізу мүмкіндігі қарастырылуда.

Сондай-ақ, «Самұрық-Қазына» Қазақстанның 2025 жылға дейінгі Стратегиялық даму жоспарына сәйкес инвестициялық холдинг форматына көшуді жүзеге асырады.

Бұл мақсат қордың корпоративтік орталығы үшін ағымдағы портфельдік компаниялардың қызметін басқаруды ғана емес, сонымен бірге қордың өзі инвестициялар портфелін белсенді басқаруды көздейді.

Тек соңғы жылдың өзінде қор бірнеше инвесторларды тартты және Da Vinci Capital компаниясымен бірлескен жалпы сомасы 600 млн доллар болатын тікелей инвестициялар қорының серіктесі болды. Қазіргі уақытта еуропалық Bpifrance компаниясымен 100 млн долларлық бірлескен инвестициялар үшін ынтымақтастық туралы келіссөздер жүргізілуде.

Қазіргі уақытта қор дамудың 9 басым саласын анықтады: өңдеу өнеркәсібі, логистика, машина жасау, ақпараттық технологиялар, ғылыми әзірлемелер, инфрақұрылым, жасыл энергетика, денсаулық сақтау және ауыл шаруашылығы.