Мемлекеттік бюджеттер:

Арнайы мониторингтік топ басшысының орынбасары, «Талап» қолданбалы зерттеулер орталығының директоры Рахым Ошақбаев түрлі мемлекеттік органдар бюджеттерінің ашықтығы рейтингін құруды ұсынды.

Ошақбаев елімізде барлық деңгейдегі бюджет мәселелері бойынша азаматтардың хабардарлығын арттыру қажеттігін атап өтті. Бұл ретте бюджет жүйесінің ашықтығын, есептілігі мен тиімділігін арттыру үшін қоғамның қолжетімділігін кеңейту қажет.

«Мысалы, жаңа қоршауларды басқа жаңа қоршауларға ауыстыру сияқты әрекеттер болмауы үшін біз бюджет тиімділігінің мүлдем басқа деңгейіне көшуіміз керек. Мұндай жағдайлар әр қалада болуы мүмкін және азаматтар бұл тұрғыда әрдайым түпкі бенефициар ретінде қанағаттанбайтыны белгілі. Агенттік PublicBudget.kz -ашық бюджеттердің интерактивті картасы жобасын жасады, онда мемлекеттік мекемелер бюджет туралы, көрсеткіштер туралы деректерді толтырады және, тиісінше, пайдаланушылар өз өңірін таңдай алады, қызықтыратын бюджетті, мысалы, аурухананың бюджетін таба алады, одан әрі зерделеп, кері байланысқа шыға алады. Осылайша, жоба нақты мемлекеттік органдар тұрғысынан маңызды бюджеттік ақпараттың қолжетімділігі сияқты маңызды бөлікті шешеді»,-деп хабарлады Ошақбаев Сыбайлас жемқорлыққа қарсы қызмет алаңында өткен онлайн-брифинг барысында.

Бұл ретте Ошақбаевтың пікірінше, бюджеттердің транспаренттілігі, ашықтығы мен есеп беруінің негізгі проблемасы «бірінші кезекте - бұл халықтың өте төмен қызығушылығы», бұл дамыған елдерді қоса алғанда, барлық елдерде күрделі мәселе болып табылады. Мұны қызықтыратын белсенділер мен еріктілерді табу керек.

Естеріңізге сала кетейік, әлеуметтік нысандар мен инфрақұрылымдардың бюджетін пайдаланудың тиімділігін бағалау мақсатында «Ашық бюджеттердің интерактивті картасы» жобасы жұмыс істейді (publicbudget.kz), онда бөлінген бюджет қаражаты туралы ақпарат орналастырылған. Яғни, картаның көмегімен облыстың әрбір тұрғыны бюджеттік ақшаның қалай, не үшін және қандай мөлшерде жұмсалатынын көре алады.