Парламентке түзетулер енгізілген жоба келіп түсті. «Нотариаттық іс-әрекет жасау немесе нотариусқа, уәкілетті лауазымды адамға жүгіну кезінде алынған, оның ішінде жеке мүліктік және мүліктік емес құқықтар мен міндеттер туралы мәліметтер жиынтығы нотариаттық құпия болып табылады». Егер парламенттің екі палатасы бастамашылық түзетулерді қабылдаса, ұғымның түсініктемесі осындай болады.«Үнсіздік анты» нотариустың өзінен, оның көмекшісі мен тағылымдамадан өтушісінен басқа куәға, аудармашыға, қол сұғушыға, нотариаттық палаталардың қызметкерлеріне және бірыңғай нотариаттық ақпараттық жүйені сүйемелдеуді және оған жүйелі-техникалық қызмет көрсетуді жүзеге асыратын адамдарға да қойылатын болады» - деп түсіндірді Қазақстанның Республикалық нотариаттық палатасының төрайымы Әсел Жанәбілова.
Бұл ретте түзетулерде нотариаттық құпияны бұзу болып табылмайтын әрекеттер нақтыланады. Бұл нотариаттық іс-әрекеттер туралы ақпаратты мыналарға ұсыну:
- «Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы» Заң (КЖ/ТҚҚ туралы заң) талап еткен кезде қаржы мониторингі органына;
- «Жылжымайтын мүлікке құқықтарды мемлекеттік тіркеу туралы» Заңда көзделген кезде кадастрдың ақпараттық жүйесіне;
- БЖЗҚ-да зейнетақы төлемдерін жүзеге асыру үшін.
Қазақстанда бір терезе қағидаты бойынша жұмыс істеуге мүмкіндік беретін бірыңғай нотариаттық ақпараттық жүйе (БНАЖ) жұмыс істейді. Бұл жүйе барлық мемлекеттік дерекқорлармен біріктірілген және алаяқтық фактілерін жоққа шығарады.
