Үкімет отырысы: бастамалар

ҚР Премьер-министрі Асқар Мамин Үкімет отырысы барысында тұтынушылардың құқықтарын қорғаудың біртұтас жүйесін әзірлеуді тапсырды.
 
«Тұтынушылардың құқықтарын қорғау барлық қазақстандықтардың мүдделерін қозғайтын жұмыстың өте маңызды бағыты болып табылады. Ағымдағы жылдың 8 айында ғана уәкілетті органға қызметтер мен тауарлардың сапасына шағыммен 8 мыңнан астам өтініш келіп түсті, олар бойынша тұтынушылардың 80% - ы құқықтары қалпына келтірілді. Біздің тұтынушылардың құқықтарын қорғау жүйеміз шетелдік озық тәжірибені ескеруі тиіс, мысалы, Германия, Сингапур, Жапония, онда өзара іс – қимылдың нақты схемасы құрылған: тұтынушы – қоғамдық бірлестік-мемлекет. Олардың тәжірибесіне сәйкес, азаматтардың мүдделерін қорғауды қамтамасыз ету үшін азық-түлік, медициналық қызметтер, ТКШ, фармацевтикалық тауарлар, сондай-ақ туризм сияқты маңызды салаларға ерекше назар аудару қажет. Кепілдендірілген сапалы өнім өндіруге, адал жарнама мен маркетингке бағытталған саясат жүргізу керек», – деді Мамин.

Премьер сондай-ақ өңірлік азық-түлік хабын қалыптастырудың маңыздылығы туралы хабарлады. Осыған байланысты Үкімет агроөнеркәсіп кешеніндегі бастамаларды қолдайтын болады.

«Жаңа жобаларды ұсыныңыздар, қолдау көрсетеміз. Бұл Үкімет жұмысының басымдығы. Біздің алдымызға өңірде (солтүстік – ред.)  азық - түлік хабын қалыптастыру міндеті қойылды, біз АӨК дамыту, экспорттық әлеуетті дамыту үшін үлкен әлеуетке ие болып отырмыз. Еңбек өнімділігін арттырып, жаңа технологияларды енгізіп, сәйкесінше жаңа экспорттық нарықтарға шығу керек», – деді ол.

Премьер-Министр Қазақстанның экономиканы дамыту үшін зор әлеуеті бар екенін және оны толық іске асыру қажеттігін атап өтті.