Жаңа халықаралық әуежай

29.09.2020

Елбасы Нұрсұлтан Назарбаев Түркістан халықаралық әуежайының ашылу рәсіміне қатысты.

Қаладан 20 километр қашықтықта орналасқан, жаңа әуежай заманауи технологияларды пайдалана отырып, халықаралық стандарттарға сәйкес салынған. Оның жалпы ауданы 900 га құрайды. Терминал жылына үш миллионға жуық жолаушыға қызмет көрсете алады.

Жаңа әуежайға жалпы ұзындығы 16,3 шақырым болатын жаңа жол тартылады.

Облыстың туристік әлеуетін арттыру үшін арнайы бағдарлама әзірленді, оның шеңберінде 2025 жылға дейін туристер санын бес миллионға дейін жеткізу жоспарланып отыр. Осы мақсатта халықаралық әуежайдан Түркістаннан Меккеге екі күнде бір рет тікелей әуе қатынасын іске қосу көзделіп отыр.

Түркістан әуежайы тәуелсіздік жылдары салынған Қазақстандағы алғашқы әуежай болды.

Қарау саны: 2983
Сақталған: 29.09.2020