Фермерлерге арналған жаңа қосымша

Қазгидромет Қазақстан фермерлеріне арналған мамандандырылған Интернет-қосымшаны іске қосты
 

«AgroData» қосымшасы Қазақстанның барлық азаматтары үшін қолжетімді болып келеді. Смартфондарға және ұқсас құрылғыларға тегін жүктеу және орнату мүмкіндігі бар.

Жүйе Экология, геология және табиғи ресурстар министрінің тапсырмасы бойынша әзірленді және шаруа, фермер қожалықтарына агрометеорологиялық қызметтер көрсетуге арналған. Аграршылар онлайн режимінде ауа райы болжамдарын, егудің ұсынылған күндерін, топырақтағы өнімді ылғал қорын және өсімдік шаруашылығында шешім қабылдау үшін басқа да маңызды ақпаратты көре алады.

Орталық Азияда мұндай сервистің баламасы әлі болған жоқ.