21 қазанда "Экономикалық зерттеулер институты" АҚ (ERI) "Азаматтық бастамаларды қолдау орталығы" КЕАҚ-пен ынтымақтастық туралы Меморандум жасасты.

ERI Басқарма төрағасы Руслан Сұлтанов "АБҚО" КЕАҚ Басқарма төрағасы Лима Диаспен меморандумға қол қойды.

Меморандум аясында өзара ынтымақтастықтың негізгі бағыттары мен нысандары анықталды, олар мыналарды қамтиды:

— тұрақты даму саласындағы саясатты әзірлеу және зерттеулер жүргізу бойынша бірлескен іс-шаралар мен жобаларды, оның ішінде үкіметтік емес ұйымдарды тарта отырып жүзеге асыру;

-— тұрақты даму жүйесі шеңберінде әзірленген біліммен, құзыреттілікпен және табысты практикамен өзара алмасу;

— тұрақты жобалар туралы хабардарлықты және салалық түсінікті арттыруға бағытталған білім алмасуды қолдау және тұрақтылық мәселелері бойынша түрлі іс-шараларды бірлесіп өткізу.

Сондай-ақ, Экономикалық зерттеулер институты мен Азаматтық бастамаларды қолдау орталығы өзара ұйымдастырушылық, консультациялық және ақпараттық-талдамалық қолдау туралы уағдаласты.

——

"АБҚО" КЕАҚ Қазақстандағы мемлекет пен ҮЕҰ өзара іс-қимыл тетігін жетілдіру, грант беру қызметінің ашықтығының үлкен дәрежесін қамтамасыз ету мақсатында құрылды. Оның қызметінің негізгі түрлері ҮЕҰ-ның мемлекеттік және мемлекеттік емес гранттарын беру және олардың іске асырылуын бақылауды жүзеге асыру болып табылады. Жалғыз акционері ҚР Ақпарат және қоғамдық даму министрлігі болып табылады.

Қараша айында Қазақстан Республикасы Тәуелсіздігінің 30-жылдығын мерекелеу қарсаңында Қазақстанның X Азаматтық форумы өтеді. Оған Экономикалық зерттеулер институтының Тұрақты даму мақсаттары жөніндегі Хатшылығы белсенді қатысады.