2024 жылғы 3-5 желтоқсан аралығында Оңтүстік Кореяның Инчхон қаласында БҰҰ Экономикалық және әлеуметтік мәселелер департаменті 2025 жылдың ерікті ұлттық шолулары (ЕҰШ) бойынша алғашқы ғаламдық семинар ұйымдастырды. Іс-шараны БҰҰ-ның тұрақты даму жөніндегі экономикалық басқармасы өткізді.
2025 жылдың
ерікті ұлттық шолулары бойынша алғашқы ғаламдық семинарға экономика, қаржы,
статистика салаларындағы министрліктердің өкілдері мен ЕҰШ дайындаумен
айналысатын басқа да ұйымдардың сарапшылары қатысты. Бұл шолулар 2025 жылдың
шілде айында өтетін Тұрақты даму бойынша жоғары деңгейдегі саяси форумға
(ТДЖСФ) ұсынылады. Семинарға ЕҰШ-ты ТДЖСФ-ке ұсынатын 39 елдің өкілдері
қатысты.
Қазақстан
атынан қатысқан өкілдер:
- Жанназарова Нұргүл, ҚР Ұлттық экономика министрлігі Әлеуметтік саясат
және мемлекеттік органдарды дамыту департаментінің директоры,
- Досанова Айнұр, ҚР Стратегиялық жоспарлау және реформалар агенттігі
Ұлттық статистика бюросының халықаралық қатынастар департаментінің
директоры,
- Хамбар Бақытгүл, Экономикалық зерттеулер институтының ТДМ хатшылығының
директоры.
Семинар
барысында қатысушылар 2025 жылғы ЕҰШ дайындау талаптарымен танысты. Іс-шара
тәжірибе алмасу алаңына айналды: ел өкілдері өз мемлекеттеріндегі Тұрақты даму
мақсаттарын жүзеге асыру және ЕҰШ дайындау тәжірибелерімен бөлісті.
Семинар алдағы
ерікті ұлттық шолуды дайындау мәселелерін жан-жақты талқылауға, сондай-ақ
қатысушылардың ТДМ-ды ұлттық жоспарлар мен саясатқа біріктіру және прогресті
бақылаудың маңыздылығы туралы хабардарлығын арттыруға мүмкіндік берді.
