БҰҰ-ның Орталық Азиядағы Жаһандық шартының көп елдік кеңсесінің Алматы қаласында ашылуы

БҰҰ-ның жаңа Өңірлік орталығын ашу халықаралық және өңірлік күш-жігерді үйлестіру, білім және озық тәжірибелермен алмасу, техникалық көмек көрсету және бірлескен жобаларды іске асыру үшін стратегиялық платформа құруға бағытталған. Жаңа алаң Орталық Азия өңірі елдерінде БҰҰ-ның Орнықты даму мақсаттарын іске асыруға жәрдемдесуге бағытталған. Кеңсе қызметі Орнықты даму мақсаттарын іске асыруды қолдауға және оларды бағдарламалық және шарттық құжаттарға, корпоративтік және операциялық процестерге біріктіруге бағытталады.

Ашылу салтанаты БҰҰ құрылымының бірқатар өкілдерінің, соның ішінде Қазақстандағы БҰҰ Тұрақты үйлестірушісінің міндетін атқарушы Стивен О'Малли, Жаһандық операциялардың жетекшісі Оле Лунд Хансен, Қазақстан Республикасы Президентінің көмекшісі, БҰҰ Жаһандық шарты консультативтік кеңесінің мүшесі Тамара Дуйсенова, Таяу Шығыстың, Шығыс Еуропаның және Орталық Азияның өңірлік басшысы Анита Лебиар қатысуымен өтті.

Ашылу салтанатында ерекше тапсырмалар бойынша елші - ҚР Сыртқы істер министрлігі өкілдігінің басшысы Жәнібек Әбдірашов сөз сөйледі. Өз сөзінде спикер Көп елдік желінің іске қосылуы үкіметтердің, бизнес құрылымдардың және азаматтық қоғамның адам құқықтары, қоршаған ортаны қорғау және сыбайлас жемқорлыққа қарсы іс-қимыл сияқты негізгі салалардағы күш-жігерін біріктіретінін атап өтті.

Талқылаушылар арасында панельдік сессияға «Halyk Bank» АҚ Басқарма төрағасы Үміт Шаяхметова; «Anglesey Food» Басқарма төрағасы Зафар Хашимов (Өзбекстан Республикасы); «Eldik Bank» Басқарма төрағасы Ұланбек Ноғаев (Қырғызстан Республикасы); «Schneider Electric» Бас директоры Эдгар Бо Шенин; Басқарушы серіктес, Кавказ және Орталық Азия елдеріндегі EY салық қызметтері тәжірибесінің жетекшісі Ерлан Досымбеков; «Атамекен» ҰКП Президенті Райымбек Батталов қатысты.

ОДМ бойынша БҰҰ Өңірлік орталығын қалыптастыруға ықпал ететін бірқатар алғышарттар бар: ОДМ-на қол жеткізуге жәрдемдесу үшін тиімді институционалдық сәулет құрылды, оның шеңберінде 2018 жылдан бастап ҚР Премьер-Министрінің орынбасары – Ұлттық экономика министрі басқаратын ОДМ жөніндегі Үйлестіру кеңесі жұмыс істейді. ҚР Стратегиялық жоспарлау және реформалар агенттігінің Ұлттық статистика бюросы ОДМ іске асыру мониторингін жүзеге асыру үшін ресми деректерді қамтамасыз етуде шешуші рөл атқарады.

ҚР Ұлттық экономика министрлігінің «Экономикалық зерттеулер институты» АҚ ОДМ жөніндегі Хатшылығы ОДМ бойынша институционалдық сәулетшінің құрылымдық құрамдас бөлігі болып табылады және БҰҰ-ның 17 мақсатына қол жеткізу жөніндегі қызметті қолдауды және үйлестіруді қамтамасыз етеді. Хатшылық ОДМ индикаторларын бағдарламалық құжаттарға оқшаулау, талдамалық материалдарды дайындау, орнықты дамуға байланысты іс-шараларды ұйымдастыру және өткізу бойынша жұмыс жүргізеді. Осыған байланысты, ОДМ жөніндегі Хатшылықтың Алматы қаласындағы БҰҰ-ның Орталық Азиядағы Жаһандық шартының жаңадан құрылған Көп елдік кеңсесімен күш-жігерін шоғырландыру орнықты даму саласындағы 2030 Күн тәртібін ілгерілетуге ықпал етеді.

Институционалдық құрылыммен қатар, ОДМ-ын ілгерілетуге ықпал ететін нормативтік-құқықтық негіз де қалыптасады. ОДМ тәсілдері ҚР Президентінің 2024 жылғы 30 шілдедегі №611 Жарлығымен бекітілген 2029 жылға дейінгі Ұлттық даму жоспарына енгізілген; 2060 жылға дейінгі Көміртегі бейтараптығына қол жеткізу стратегиясын және Қазақстан Республикасының Су кодексін қабылдау табиғи ресурстарды басқару мен экологиялық жаңғыртудың жүйелі тәсілін бекітті.

Сонымен бірге, Қазақстан үш жылдық кезеңділікпен 2030 жылға дейінгі орнықты даму саласындағы Күн тәртібін іске асыру жолындағы түйінді жетістіктер мен сын-қатерлерді көрсететін Ерікті ұлттық шолуды кезең-кезеңімен таныстырады. 2025 жылғы шілдеде Қазақстан Республикасы ОДМ-ның іске асырылу барысы, ілгерілеуі және оған қол жеткізудегі сын-қатерлер туралы жаңартылған ақпаратты қамтитын үшінші Ерікті ұлттық шолуды ұсынады.

БҰҰ-ның Жаһандық шартының Көп елдік кеңсесінің ашылуы және мемлекет-бизнес-қоғам тізбегіндегі жүйелі тәсіл экономика мен әлеуметтік әл-ауқаттың орнықты дамуына қол жеткізуде қолайлы фактор болады.