Бақытгүл Хамбар Солтүстік және Орталық Азия форумында ТДМ үшінші шолуын дайындау бойынша Қазақстанның тәжірибесін таныстырды

Форумның ашылуында БҰҰ Бас хатшысының орынбасары және АТМЭӘК атқарушы хатшысы Армида Салсия Алисджабана қатысушыларға бейне үндеу жасады. Ол Орталық Азия мен Ауғанстан үшін Тұрақты даму мақсаттары бойынша БҰҰ Өңірлік орталығын ашудың маңызын атап өтті.

Форум жұмысына сонымен қатар:

• Қазақстан Республикасының Ұлттық экономика вице-министрі Асан Дарбаев,

• Тәжікстанның Экономика және сауда министрінің орынбасары Ахлиддин Нуриддинзода,

• Мемлекеттік органдардың, азаматтық қоғамның, талдау орталықтары мен ғылыми топтардың өкілдері,

• АТМЭӘК-ға мүше мемлекеттердің сарапшылары, сондай-ақ БҰҰ мен халықаралық ұйымдардың өкілдері қатысты.

Отырыс барысында қатысушылар келесі ТДМ-ға қол жеткізу прогресін қарастырды:

• 6 ТДМ: Таза су және санитария;

• 7 ТДМ: Қол жетімді және таза энергия;

• 9 ТДМ: Индустрияландыру, инновациялар және инфрақұрылым;

• 11 ТДМ: Тұрақты қалалар мен елді мекендер;

• 17 ТДМ: Тұрақты даму мүддесіндегі серіктестік.

Форум аясында Солтүстік және Орталық Азия елдері үшін ерікті ұлттық шолуларды (ЕҰШ) дайындау бойынша арнайы семинар өтті.

Жаңа шолу негізінен ТДМ-ны оқшаулауға және «Ешкімді артта қалдырмау» қағидатын іске асыруға бағытталған. Құжатқа еріктілердің рөлі және мемлекеттік жастар саясаты туралы жеке бөлімдер енгізілген.

Қазақстан шолуының ерекшелігі - оның үкіметтің ресми позициясын ғана емес, сонымен қатар азаматтық қоғамның мақсаттарға қол жеткізу барысы туралы пікірін де көрсетуі.

Қатысушылар Қазақстанның қоғамдық пікірді жинау және оны тұрақты дамудың басымдықтарын айқындау кезінде пайдалану тәжірибесін жоғары бағалады.

Форум ішкі өңірлік деңгейде ТДМ іске асыруға бағытталған ақпаратпен және үздік тәжірибелермен алмасуға арналған бірегей платформа ретіндегі рөлін растады.