Құқық бұзушылықтың алдын алу және заңсыз қаржы ағындарына қарсы іс-қимыл мәселелері қаралды

Кәмелетке толмағандар арасындағы құқық бұзушылықтың алдын алу мәселесі бойынша қатысушылар құқық бұзушылықтарға әрекет етуден олардың алдын алуға бағытталған шараларға көшу қажеттігін атап өтті. Атап айтқанда, тәуекелдерді ерте анықтау, профилактикалық акциялар, кездесулер мен білім беру іс-шараларын өткізу мәселелеріне назар аударылды. Сондай-ақ құқыққа қайшы мінез-құлыққа әсер ететін әлеуметтік факторларды ескеретін кешенді тәсілдің маңыздылығы айтылды. Бұдан бөлек, соңғы бір жылда кәмелетке толмағандар арасындағы тіркелген буллинг фактілерінің саны артқаны атап өтілді.

Заңсыз қаржы ағындарына қарсы іс-қимыл мәселесі бойынша қылмыстық жолмен алынған кірістерді заңдастыруға және заңсыз қаржы ағындарына қарсы күрес жұмыстарының нәтижелері қаралды. Қазақстанның Қаржылық шараларды әзірлеу тобының (FATF) халықаралық стандарттарын орындауда және ұлттық жүйенің белгіленген талаптарға сәйкестік деңгейін арттыруда қол жеткізген ілгерілеуі атап өтілді. Ұлттық тәуекелдерді бағалау, экономиканың осал секторларын анықтау және қаржылық қатерлерді азайту шараларына ерекше назар аударылды.

Отырыс барысында Институттың ОДМ жөніндегі хатшылығының директоры Бақытгүл Хамбар мемлекеттік саясат шараларын жетілдіру және тиісті индикаторларды мемлекеттік жоспарлау құжаттарына енгізу бойынша әзірленген ұсынымдарға тоқталды. Сонымен қатар балалардың психикалық денсаулығына қатысты деректердің сапасын қамтамасыз етудің маңыздылығын атап өтті. Балаларға қатысты зорлық-зомбылықты қамтитын 16.2.1 индикаторының мониторингінде қолданылатын 2024 жылғы көп көрсеткішті кластерлік зерттеу (MICS) материалдарында тиісті деректердің репрезентативтілігіне қатысты шектеулер бар екені айтылды.

Отырыс қорытындысында ведомствоаралық өзара іс-қимылды күшейту, алдын алу шараларын жетілдіру және 16-шы ОДМ-ға қол жеткізу барысының мониторинг сапасын арттыру қажеттігі атап өтілді.