ОДМ қаржыландыру жүйесін келісу

30 қыркүйекте Қазақстан БҰҰДБ, ЮНИСЕФ, АзТМЭӘК және АДБ-мен бірлесіп ұйымдастырған «Қазақстандағы орнықты даму мақсаттарын қаржыландыру жүйесін келісу» атты оқыту семинарының бірінші күні өтті.

Семинарға халықаралық ұйымдардың, Ұлттық экономика министрлігінің, Қаржы министрлігінің өкілдері және Экономикалық зерттеулер институтының (ЭЗИ) қызметкерлері қатысты.

ҚР Үкіметі БҰҰ қолдауымен COVID-19 орнықты даму мақсаттарын (ОДМ) жалпы қаржыландыруға әсерін бағалауды қалыптастыруда.  

Қазақстанға одан әрі қолдау көрсету мақсатында БҰҰ Бірлескен Бағдарламаны іске асыруға кіріседі.

Бірлескен бағдарлама өзінің назарын Қаржыландырудың интеграцияланған ұлттық құрылымын енгізу үшін қажетті басым реформаларды іске асыруға шоғырландырады. Бағдарлама COVID-19 дағдарысынан кейін экономиканы мақсатты түрде қалпына келтіру үшін қолайлы құқықтық, саяси және нормативтік орта құру арқылы биліктің әлеуетін нығайтуға бағытталған.

Семинар Экономикалық зерттеулер институтының әлеуетін нығайтуға бағытталған. Бұл ЭЗИ және негізгі сыртқы серіктестерге арналған алғашқы техникалық семинар.

Семинардың бірінші күні ЭЗИ-дің ОДМ қаржыландырудың халықаралық және ұлттық контекстімен, сондай - ақ ОДМ қаржыландыру әдіснамасымен  жұмысына ерекше назар аударылды.

1-ші күннің спикерлері

Mr. Gregory De Paepe (БҰҰДБ) қаржыландыруды бағалаудың жаңартылған әдістемесі туралы хабардар етті.

Mr.DanielJeong-DaeLee (АзТМЭӘК) ОДМ шығындарын бағалауды анықтауға қатысты АзТМЭӘК нұсқаулықтарын ұсынды.

Ms. PamelaDale (ЮНИСЕФ) Қазақстандағы балаларға бағытталған бюджетті талдау бойынша ЮНИСЕФ-тің жұмысын түсіндірді.