Жас зерттеуші-2020

Экономикалық зерттеулер институты жас талдамашыларға арналған конкурс жариялайды

«Экономикалық зерттеулер институты» АҚ «Ортақ іс – Ортақ мақсат – Қазақстанның көркеюі» зияткерлік жобасының іске қосылғаны туралы хабарлайды, аталған жоба шеңберінде «Жас зерттеуші-2020» республикалық конкурсы өткізіледі.

Жоба жас зерттеушілерді қолдауға-сараптамалық-талдамалық дағдыларын арттыруға бағытталған. Жеңімпаздар «Жас зерттеуші-2020» мектебінде экономика бойынша онлайн-курстардан өту мүмкіндігіне ие болады.

Экономикалық зерттеулер институты отандық жоғары оқу орындарында экономикалық және қаржылық бағыттар бойынша білім алатын 3-4 курс студенттерін, сондай-ақ магистранттар мен 29 жасқа дейінгі магистрлерді қатысуға шақырады.

Конкурстың негізгі талабы – болжамды ғылыми зерттеу тақырыбы бойынша қазақ немесе орыс тілдерінде-көлемі 1000 баспа белгісінен аспайтын эссе жазу. Эссе зерттеу тақырыбының өзектілігін; автордың таңдалған тақырып бойынша жұмыс гипотезасын; ағымдағы жағдайды талдауды; қорытындылар мен ұсыныстарды қамтуы тиіс.

Бағалау мазмұны үшін жалпы балды шығару арқылы келесі өлшемшарттар бойынша жүргізіледі:

• Өзектілігін ашу;
• Жаңашылдық дәрежесі (зерттеу әдістері мен идеяларының бірегейлігі, стандартты емес тәсіл);
• Жұмыстың сәйкестігі: зерттеудің белгіленген тақырыбына, мақсаттарына, міндеттеріне;
• Тақырыпты ашу дәрежесі;
• Дәлелділік, тұжырымдардың расталуы, заманауи әдістерді қолдану, фактілердің болуы, логика, құрылымдау, дербестік;
• Мәселені шешудің ұсынылған жолдарының теориялық негіздемесі;
• Материалды ресімдеу, дереккөздер базасын талдау, мазмұндаудың анықтығы.    

Үздік конкурс жұмыстарының авторлары 2021 жылдың наурыз айында «Жас зерттеуші-2020» мектебінде экономика бойынша онлайн-курстардан өту, сондай-ақ Институт сарапшыларымен бірлескен зерттеу жүргізу мүмкіндігіне ие болады.

Таңдалған тақырыптардың бірі бойынша ұжымдық талдамалық жазба дайындау, сондай-ақ Институт сарапшыларымен бірлескен ғылыми мақаланы ҚР Білім және ғылым саласындағы бақылау комитеті ұсынған журналдардың бірінде жариялау жұмыс нәтижесі болады.

Қатысуға өтінімдер 2020 жылғы 1 желтоқсанға дейін (сағат 18.30-ға дейін) Эссе тақырыбын міндетті түрде көрсете отырып, мына электрондық мекенжай бойынша қабылданады: konkurs@eri.kz. Хатқа қосымшада келесі құжаттарды жіберу қажет:

• Түйіндеме;
• Эссе* таңдалған бір тақырыпқа (көлемі-1000 белгіден артық емес; кегль - 14, қаріп – Times New Roman; интервалы – бір; бет параметрлері: жоғарғы -2 см, төменгі -2 см, сол – 2,5 см, оң  – 2 см)
• Жеке куәлік (көшірмесі);
• Сертификаттар, грамоталар (көшірмелер);
• Ғылыми жарияланымдар (тезистер, мақалалар және т. б.) (көшірмелер);
• Нысан бойынша толтырылған өтінім: