Мемлекеттің қолдауын алатын кәсіпкерлердің қарсы міндеттемелері болуы тиіс. Макроэкономикалық зерттеулер және болжамдау орталығының жетекші ғылыми қызметкері Мадияр Кенжеболат осылай деп есептейді, деп хабарлайды "Хабар 24».
Сарапшының айтуынша, мемлекет бірінші кезекте жұмыс орындарын сақтап, қызметкерлердің жалақысын қысқартпайтын компанияларға көмектесуі тиіс.
Макроэкономикалық зерттеулер және болжамдау орталығының жетекші ғылыми қызметкері Мадияр Кенжеболат:
- Мысалы, инфрақұрылымдық құрылысқа 1,8 триллион теңге, ал Бизнестің жол картасына триллион теңгеден астам қаржы бөлінді. Бұл үлкен ақша. Бұл ақшаны біздің кәсіпорындар мемлекеттік сатып алу түрінде және т.б. алады. Бұл жағдайда кәсіпкерлер қарсы қадам жасап, Президент айтқандай жұмыспен қамтуды қамтамасыз етіп, жұмысшылардың жалақысын төмендетпеуі тиіс.
