Cаясатының басым бағыттары
03.03.2021
Халықтың қартаюы-адамдар мен қоғам өмірінің барлық аспектілеріне: экономикалық өсуге, жұмыспен қамтуға, зейнетақымен қамсыздандыруға, өмір сүру жағдайларына, медициналық көмекке қажеттілікке, саяси және қоғамдық шешімдер қабылдауға әсер ететін терең процесс. Қазақстанда соңғы 5 жылда ерлер арасында қарттар саны 17,7% - ға, ал әйелдер арасында 8,9% - ға өсті. Нәтижесінде, бүгінгі таңда Қазақстан, БҰҰ бағалауы бойынша, халқы қартайып жатқан елдерге жатқызылды. Республиканың оңтүстік және батыс өңірлерінде, сондай-ақ Нұр-Сұлтан қаласында бала туудың өсуі есебінен 15 жасқа дейінгі халық үлесінің ұлғаюы байқалады, нәтижесінде халықтың қартаю көрсеткіші төмендейді. ҚР Еңбек және халықты әлеуметтік қорғау министрлігі Қазақстан Республикасында Аға буын азаматтарының жағдайын жақсарту жөніндегі «Белсенді ұзақ өмір сүру» 2025 жылға дейінгі ұлттық іс-қимыл жоспарын әзірлеп, оған Іс-шаралар жоспарын бекітті. Құжат ҚР-дың 2030 жылға дейінгі әлеуметтік даму тұжырымдамасын іске асыру шеңберінде әзірленді. Іс-шаралар жоспарында 9 бағыт бойынша 38 іс-шара қарастырылған. Құжат «Аға буын азаматтарының құқықтарын сақтау және қадір-қасиетін қамтамасыз ету», «Аға буын азаматтарының материалдық жағдайы», «Аға буын азаматтарының жұмыспен қамтылуын арттыру», «Қарт адамдармен отбасыларды қолдау» және т. б. бағыттарды қамтиды. Мысалы, «Аға буын азаматтарының жұмыспен қамтылуын арттыру» бағыты шеңберінде қарт адамдар үшін бос жұмыс орындарына мониторинг жүргізу, аға буын азаматтарын еңбек нарығындағы жағдай және жұмысқа орналасу мүмкіндіктері туралы хабардар ету, қарт адамдар үшін бос жұмыс орындарының мамандандырылған жәрмеңкесін өткізу жоспарлануда. «Бос уақытты ұйымдастыру үшін жағдай жасау» бағыты аясында еліміздің барлық өңірлерінде белсенді ұзақ өмір сүру орталықтарын ашу, қарт адамдар үшін мәдени-бұқаралық іс-шаралар өткізу, қарттар күнін мерекелеуге арналған іс-шаралар өткізу және т. б. жоспарлануда. «Қоғамдық сананы жаңғырту» бағыты бойынша қоғамда қарт адамдардың мәдени дәстүрлерді, кәсіби және өмірлік тәжірибені жеткізуші ретінде қабылдауға мүмкіндік беретін оң бейнесін қалыптастыру; егде адамдардың консультациялық–кеңестік органдарға, қоғамдық кеңестерге, өскелең ұрпақты мектептерде, колледждер мен жоғары оқу орындарында тәрбиелеуге, сыныптан тыс жұмыстарға, үйірмелерге, секцияларға, аула клубтарына қатысуын қамтамасыз ету; егде адамдардың мүддесінде волонтерлік қызметті дамыту сияқты іс-шараларды іске асыру жоспарлануда. Көптеген елдерде кез-келген оқшаулау және «арнайы тұру орындарын» құру, тіпті ең ыңғайлы, адам құқықтары мен бостандықтарын шектейді, жеке даму мен қоғамдағы өмір сүру мүмкіндіктерін жоққа шығарады деген түсінік қалыптасты. Анықтамалық
Қарау саны: 5944 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
