Семинар

Өткен аптада 2030 жылға арналған тұрақты даму саласындағы күн тәртібін іске асыруға арналған виртуалды семинар өтті.

Ұйымдастырушылар UNDP, UNDESA, UNITAR және ESCAP болды; қатысушылар-Тынық мұхит-Азия өңірінің елдері – Қаржы, Экономика, Жоспарлау министрліктерінің және басқа да таңдаулы министрліктердің, Орталық банктердің, Парламенттің, ТДМ енгізуге жауапты агенттіктердің өкілдері, сондай-ақ Тынық мұхит-Азия өңірінің жеке, академиялық секторлары және басқа да мүдделі тараптары болды. Семинарға «Экономикалық зерттеулер институты» АҚ Тұрақты даму мақсаттары жөніндегі Хатшылықтың қызметкерлері қатысты.

Семинар келесі мақсатқа жету үшін ұйымдастырылды:

1.    Қатысушыларды қаржыландырудың кешенді стратегиясының негізгі функциялары мен басшылық қағидаттары туралы хабардар ету;

2.    Қаржыландыру стратегиясымен ілгерілеп келе жатқан өңір елдерінің тәжірибесімен бөлісу;

3.    Елдердің дамудың қаржыландырылуын бағалауды қалай пайдалана алатынын талқылауды қоса алғанда, қаржыландыру стратегиясын әзірлеу процесін реттеуге мүмкіндік беретін практикалық құралдармен және шаблондармен таныстыру.

COVID-19 пандемиясы және одан кейінгі жаһандық құлдырау көптеген елдердегі фискалдық кеңістік пен жеке инвестицияларға нұқсан келтіреді. Бірақ пандемияға дейін де қаржыландыру Тұрақты даму мақсаттарына (ТДМ) қол жеткізу жолындағы негізгі кедергілердің бірі болды. 2020 жылғы жоғары деңгейдегі саяси форумда өздерінің ерікті ұлттық шолуларында Азия-Тынық мұхиты өңірінің көптеген елдері қаржыландыру тапшылығын басты кедергі ретінде анықтады.

Семинардың бірінші күні – Мальдив, Индонезия, Тимор-Лесте және Моңғолия сияқты елдердің қаржылық стратегиялары мен тәжірибесіне кіріспе ұсынылды. Сондай-ақ, Дамудың қаржыландырылуын бағалау аспектілері және Қаржыландыру стратегиялары бойынша аралық нысаналы топтың баяндамасы талқыланды.

Семинардың екінші күні екі сессиядан тұрды. Бірінші сессияда стратегиялық жоспарлау мен бюджетті құру арасындағы байланысты күшейту талқыланды және ТДМ бойынша бюджетті құрастырудың дұрыс моделін таңдау үшін негіз ретінде БҰҰДБ бағалау жүйесі ұсынылды. Жұмыс барысында тақырыптық талдау, соның ішінде БҰҰДБ-ның Моңғолияда жүргізген талдауы ұсынылды.

Сондай-ақ, сессияның бір бөлігі өзін-өзі қамтамасыз ететін бағалауды түсінуге арналды, онда қатысушылар елдік топтарға бөлініп, өз елінің контексінде B4SDG моделіне қатысты бағалау мәселелерін талқылауды ұсынды.

Екінші сессияда парламенттердің бюджеттеу мен ТДМ-ды қадағалаудағы рөлін күшейту талқыланды. Жұмыс барысында бюджетті қалыптастыру мен қадағалауды қамтамасыз етудегі парламенттердің рөлін күшейту мүмкіндіктері бар елдердің тәжірибесі қаралды, бұл қатысушыларға қазіргі жағдайлары мен тәсілдерімен бөлісуге мүмкіндік берді.

Үшінші күні  семинардың қорытынды бөлімі бойынша жұмыс жүргізілді. Атап айтқанда, қатысушылар ТДМ туралы Парламенттің хабардар болу дәрежесіне қатысты сұрақтарға жауап берген елдер топтарында бірнеше басшылық мәселелерді талқылау болды, бюджеттік мәселелер мен ұлттық басымдықтарды шешуге Парламенттің қатысу құралдарын және оларды пайдаланудың тиімділігін талқылады.

Жалпы, Тынық мұхит-Азия өңірі елдерінің тәжірибесі және UNDP, UNDESA, UNITAR және ESCAP техникалық сарапшылары практикалық кеңестер мен нақты мысалдар келтірді. Семинарға қатысушылар оқыту семинарларын 3 айдан 6 айға дейін жүйелі түрде жалғастыру қажет деген пікірге келді, өйткені көптеген елдер Қаржыландырудың кешенді ұлттық тетігін қалыптастырудың бастапқы кезеңдерінде  орналасқан және тәжірибе мен білім алмасу пайдалы болып табылады.