Бизнес-мектептердің онлайн-форумы

Ағымдағы жылдың 9 маусымында "Экономикалық зерттеулер институты" АҚ ұйымдастырған "BusinessNEXT: бизнес-мектептердің экономика мен қоғамдағы жаңа рөлі" онлайн-форумы өтті.

Сарапшылар қауымдастығының, бизнес-мектептердің және бизнестің танымал өкілдерінен тұратын іс-шараның спикерлері баяндамаларды ұсынды және жаңа қалыпты жағдайда бизнес көшбасшыларын даярлаудың білім беру моделін қайта жүктеу тақырыбында талқылау өткізді.

Форум спикерлерінің баяндамаларын тыңдағаннан кейін қатысушылар сұрақ—жауап сессиясы мен пікірталасқа көшті.

Шараны ұйымдастырған ERI Бәсекелестік ортаны зерттеу орталығының директоры Салтанат Каменова спикерлерге форум тыңдаушыларының сұрақтарын оқыды.

Назарбаев Университеті Жоғары бизнес мектебінің деканы Патрик Дюпаркке "Болашақ кәсіпкерлерінің жаңа дағдыларын қалыптастыру үшін Назарбаев Университеті бағдарламасының қандай оқыту компоненттері пайдаланылады?» деген сұрақ келіп түсті.

Дюпарк мырза олардың осы бағытта істеп жатқан іс-әрекеттері көптеген бизнес мектептердің бағдарламасынан өзгеше емес деп жауап берді.

"Біз курстарымыздың аудиториясын ескереміз. Бізде ғылыми дәреже алу бағдарламасында топ бар (оқыту 1,5 - 2 жылға созылады), біз оқытудың барлық элементтерінде ең заманауи тәсілдерді ұсынамыз, икемділік пен стратегиялық ойлауды, сигналдарды, технологияларды білуді күшейтеміз, мүмкін жағдайларды да болжай аламыз", — деді доктор Дюпарк.

Ол мектептің бизнесмендерге берілетін білім шындықтан ажырамауы үшін олармен байланыс орнатуға деген ұмтылысын атап өтті.

"Біздің мектепте нақты компаниялар нақты сын — қатерлерді зерттеп жатыр", - деді Патрик Дюпарк.

Декан 2-3 апталық оқу мерзімімен ғылыми дәреже алуға арналмаған сертификаттық бағдарламаларда қарқынды оқу бағдарламасы көптеген пәндерді қамтиды: жобалық басқару, көшбасшылық қасиеттер, қаржы, қаржылық талдау, маркетинг және басқалар.

BTS Education Бас директоры Саясат Нұрбекке арналған келесі сұрақ мынадай болды:

"Бәсекеге қабілеттілікті қалай сақтап, "күміс" кәсіпкерлерге өзекті технологиялық үрдістерге қалай бейімделу керек?"

Форум ұйымдастырушысы Салтанат Каменова спикерге Жаңа кәсіптер атласына қатысты сұрақ қойды: "Бизнес өкілдері Атластың жаңа кәсіптерін анықтауға қаншалықты белсенді қатысты?»

"Атлас әдістемесі көптеген кәсіпорындарды, өнеркәсіптік қауымдастықтарды, одақтарды, сарапшыларды тартуға негізделген. Біз өз қорытындыларымыз бен зерттеу нәтижелерімізді нақты шолулардың, талдаушылардың негізінде индустрияның қайда бұрылғанын, кәсіпорындар мен көшбасшылар ақша мен инвестициялар сала бастағанын және т.б. анықтау үшін құрамыз", — деп түсіндірді Саясат Нұрбек.

Оның айтуынша, Атласты қалыптастыруға екі мыңнан астам салалық сарапшы мен 20-ға жуық мемлекеттік орган тартылған.

Күміс кәсіпкерлердің жаңа шындыққа бейімделуіне қатысты BTS Education басшысы қазіргі үрдістер бизнес-ортаның барлық өкілдеріне олардың жасына қарамастан бірдей қарқындылықпен әсер етеді деп жауап берді.

"Компанияның тәжірибелі бизнес-көшбасшыларының тарихы өте жақсы қалыптасқан және оларда қалыптасқан әдет — ғұрып пен дәстүрлер олардың өзгеруіне кедергі келтіретін жағдайлар жиі туындайды", — деді Саясат Нұрбек.

Ол мұндай жағдайларда болдырмауға болмайтын өзгерістерден қорықпауға кеңес береді.

"Атласта біз жаңа жағдайда қандай дағдылар, құзыреттер мен мамандықтар сұранысқа ие болатынын егжей — тегжейлі сипаттадық", - деп атап өтті спикер.

Оның айтуынша, биыл елімізде болашақ мамандықтарын оқытатын 20 жаңа оқу бағдарламасы іске қосылады.

Шығармашылық индустрияларда блокчейн технологияларын қолдану туралы сұрақ профессор, э.ғ. д., "Татарстан Республикасы Ғылым Академиясының Перспективалық экономикалық зерттеулер орталығы" МБУ директорының ғылым жөніндегі орынбасары Леонид Ельшинге қойылды.

"Цифрландыру мен жаһандану жаңа шындықта қалай өмір сүре бастайтынымызды байқамайтындай етіп құрылған", — деді спикер.

Ол РФ-дағы "Аэрофлот" компаниясын мысалға келтірді, ол операциялық мәселелерді шешу үшін үлкен блокчейн платформасын құрды.

Профессор бұл технология көптеген операциялық процестер мен тәуекелдерді азайтатынын және студенттерді оны игеруге үйретудің маңызды және қажет екенін атап өтті.

Форум модераторы Шахарбану Жақыпова бизнес-мектептердің өкілдерінен инклюзивтік кәсіпкерлік (әйелдер, жастар, әлеуметтік, "күміс" кәсіпкерлік) бойынша жеке бағдарламалардың болуы туралы сұрады.

Жамал Аяпова, э.ғ. к., М.С.Нәрікбаев атындағы ҚАЗГЗУ МВА Бизнес - мектебінің басшысы университетте Кәсіпкерлік орталығы мен бизнес-клуб жұмыс істейтінін, оған зейнеткерлер, оқушылар және оқытушылардан білікті кеңес алатын барлық қызығушылық танытқан тұлғалар келетінін атап өтті.

"Біздің барлық оқытушылар — практиктер, олар әрқашан кеңес бере алады немесе бизнесті бастауға көмектесе алады", — деп атап өтті Жамал Аяпова.

Өткен форумға сарапшылар қауымдастығының, бизнес-мектептер мен бизнестің өкілдері қатысты: Назарбаев Университетінің, "Татарстан Республикасы Ғылым Академиясының Перспективалық экономикалық зерттеулер орталығы" мемлекеттік мекемесінің, BTS Education (Қазақстан), "ISKER AZAMAT-EL TIREGI ШОБ Қауымдастығы" ЗТБ және басқалар.

"BusinessNEXT: бизнес-мектептердің экономика мен қоғамдағы жаңа рөлі" форумы – құрылғанына 60 жыл толуына орай Институт жоспарлаған алғашқы іс-шара.

Онлайн іс-шараларды өткізудің толық күнтізбесін мына сілтеме арқылы көруге болады:

Форумның бейнежазбасын мына сілтеме арқылы көруге болады:

Сондай-ақ мынаны оқыңыз: Бизнес-мектептердің онлайн-форумының тікелей эфирі