"Экономикалық зерттеулер институты" АҚ Өңірлік зерттеулер орталығы облыстар бойынша "Ауыл - Ел бесігі" жобасы бойынша ауылдық жерлердегі инфрақұрылымды жаңғырту қорытындылары туралы жарияланымдар топтамасын іске қосады. Сарапшылар жобаның 2019-2020 жылдардағы нәтижелері бойынша және ағымдағы жылға арналған жоспарлар бойынша деректерді ұсынады.

"Ауыл-Ел бесігі" жобасы бойынша

Солтүстік Қазақстан облысында (СҚО) инфрақұрылымды жаңғырту

2021 жылы СҚО-да инфрақұрылымды жаңғырту бойынша 72 жобаны іске асыру жоспарлануда 

Жобалар облыстың даму әлеуеті бар ауылдық елді мекендеріндегі халықтың жалпы санының 47,3% - ын қамтиды

2021 жылы "Ауыл – Ел бесігі" жобасы аясында Солтүстік Қазақстан облысында инфрақұрылымды жаңғырту бойынша 72 жобаны іске асыру жоспарлануда, деп хабарлады "Экономикалық зерттеулер институты" АҚ (ERI) Өңірлік зерттеулер орталығының (ӨЗО) сарапшылары.

58,3% (42) әлеуметтік инфрақұрылымды жаңғыртуға, 33,3% (24) — жол құрылысы мен жөндеуге, 8,3% (6) — ТКШ жобаларына бағытталады.

Аталған шаралар 11 жаңа құрылыс салу және 61 нысанды жөндеу есебінен ауылдардың әлеуметтік және инженерлік инфрақұрылымын жақсартуға мүмкіндік береді.

Жобалармен қамту саны 118 952 адамнан асатын 49 ауылдық елді мекенді (АЕМ) немесе даму әлеуеті бар АЕМ халқының жалпы санының 47,3% - ын (40 тірек ауыл (81,6%), 9 серік (18,4%) құрайды.

ERI ӨЗО зерттеушілері "Ауыл - Ел бесігі "жобасының екі жылдағы (2019-2020) нәтижелерін ұсынды: барлығы 29 елді мекенде 52 жоба (2019 жылы – 21 жоба, 2020 жылы – 31) іске асырылды (2019 жылы – 10 АЕМ, 2020 жылы – 19 АЕМ).

Жоба бойынша облыста әлеуметтік және инженерлік инфрақұрылымды жақсарту 13 жаңа құрылыс және 39 нысанды жөндеу есебінен болды.

Жобалардың 65,4% — ы (34) әлеуметтік инфрақұрылымды жаңғыртуға, 21,2% — ы (11) - жол құрылысы мен жөндеуге және 13,5% - ы (7) - ТКШ жобаларына бағытталды.

Жобалардың басты мақсаты инфрақұрылым түрлерін жақсарту және жаңғырту болса да, оларды жүзеге асыру жұмыспен қамтуға да өз үлесін қосты.

Екі жыл ішінде облыста 319 жаңа жұмыс орны құрылды, халық саны 5,9 мың адамға артты (239,9-дан 245,8 мың адамға дейін).

Орталық сарапшыларының хабарлауы бойынша, "Ауыл – Ел бесігі" жобасын іске асыруға облыстың 649 АЕМ-нен даму әлеуеті бар 307 АЕМ (47,3%)(94 ауылдық кластер^[1]) іріктелді. Осы АЕМ халқының саны – 251 648 адам, оның ішінде тірек АЕМ – 166 120 адам, спутниктік АЕМ-85 528 адам (1-сурет).

Ауылдық жерлерде халықтың өмір сүру сапасын арттыру елдің өңірлік саясатының маңызды бағыттарының бірі болып табылады. Бүгінгі күні елімізде ауыл халқының әл-ауқатын арттыру бойынша тұрақты жұмыс жүргізілуде.

"Аталған жұмыстың негізгі құралы ауылдық аумақтарды дамытуға оң әсер ететін" Ауыл – Ел бесігі " жобасын іске асыру болып табылады. Жоба әлеуметтік және инженерлік инфрақұрылымды жаңғыртуға, мемлекеттік қызметтерге қолжетімділікті жақсартуға, жайлы өмір сүру ортасын құруға бағытталған", — деп атап өтті орталық мамандары.

"Солтүстік Қазақстан облысында "Ауыл – Ел бесігі" жобасын іске асыру ауылдық жерлерде тұру жайлылығын арттыруға үлкен үлесқосады",-деп қорытындылады ERI ӨЗО сарапшылары.

______

Ауыл тұрғындарының әл – ауқатын жақсарту үшін 2019 жылғы 27 ақпанда "Нұр Отан" партиясының XVIII съезінде ҚР Тұңғыш Президенті – Елбасы Нұрсұлтан Назарбаев "Ауыл-Ел бесігі" жобасын іскеасыруды бастады .

"Ауыл – Ел бесігі" жобасын іске асыру үшін 6 322 ауылдық елді мекеннің (оның ішінде – 1 173 тірек және 2 388 серік) 3 561-і іріктелді, халық саны 6,6 млн адам (2019 жылдың басында) немесе елдің барлық ауыл халқының 86%- ы .

^[1] Ауылдық кластер-шамамен 10-15 км қашықтықтағы тірек ауыл мен оның айналасындағы ауылдардың жиынтығы.

Сондай-ақ мынаны оқыңыз: ERI ӨЗО сарапшылары "Ауыл-Ел бесігі" жобасының іске асырылу барысы туралы