ERI Әзербайжанның ЭЗҒЗИ-мен өзара түсіністік және серіктестік туралы Меморандум жасасты

Ағымдағы жылдың шілде айында "Экономикалық зерттеулер институты" АҚ (ERI) мен Әзірбайжан мемлекеттік экономикалық университеті жанындағы Экономикалық зерттеулер ғылыми зерттеу институты (ЭЗҒЗИ) арасында өзара түсіністік және серіктестік туралы меморандум жасалды.

Меморандум мыналарды көздейді:

• ERI және ЭЗҒЗИ өкілдерінің іс-шараларға (конференцияларға, дөңгелек үстелдерге, семинарларға) өзара қатысуы;
  
  
• ғылыми еңбектерді бірлесіп жариялау;
  
  
• экономика және мемлекеттік басқару саласында зерттеулер әзірлеу;
  
  
•  онлайн-дәрістерді өзара оқу және жетекші ғалымдар мен сарапшылардың қонақ дәрістері.

Әзербайжанның ЭЗҒЗИ қызметкері Арзу Сафарова 2021 жылдың 25 маусымында ERI Тұрақты даму мақсаттары жөніндегі Хатшылығымен ұйымдастырылған  "Балалардың әл – ауқаты-ел өркендеуінің кепілі" атты дөңгелек үстелге қатысты.

ERI қызметкерлерінің "Қарабақтың болашағына көзқарас: тұрақты дамудың жаңа моделі" тақырыбындағы ЭЗҒЗИ халықаралық конференциясына қатысуы жоспарлануда.

ERI мен ЭЗҒЗИ-дің зерттеу ұжымдарының ынтымақтастығы келешекте сарапшылардың ғылыми ізденістерге әдіснамалық тәсілдерімен, Қазақстан мен Әзірбайжанда реформалар жүргізуде және даму бағдарламаларын іске асыруда екі елдің тәжірибесімен сындарлы пікір алмасуына мүмкіндік береді.

_____

ERI халықаралық зерттеу қызметінің түрлі бағыттары бойынша белсенді ынтымақтастық жасайды. 2021 жылдың сәуірінде ERI Татарстан Республикасы Ғылым Академиясының Перспективалық экономикалық зерттеулер орталығымен (ПЭЗО) өзара түсіністік және әріптестік туралы Меморандум жасасты. Ағымдағы жылдың 29 сәуірінде Беларусь Республикасы Экономика министрлігінің "Ғылыми-зерттеу экономикалық институты" мемлекеттік ғылыми мекемесімен өзара түсіністік және әріптестік туралы Меморандум жасалды. Ағымдағы жылдың маусым айында 2021-2022 жылдарға арналған "Экономикалық зерттеулер институты" АҚ (бұдан әрі – ERI) мен "Урал мемлекеттік экономикалық университеті" ЖБ ФМББМ (бұдан әрі — УрМЭУ) арасындағы ынтымақтастықтың жұмыс бағдарламасына қол қойылды және бекітілді.

Сондай-ақ мынаны оқыңыз: Татарстан ҒА ПЭЗО-мен Меморандум

Беларусь Республикасы Экономика министрлігінің Ғылыми-зерттеу экономикалық институтымен Меморандум

ERI мен УрМЭУ арасындағы ынтымақтастық