Ертең Кәсіпкерлік мәселелері жөніндегі сараптама тобының отырысы өтеді

2021 жылғы 16 шілде, сағат 17: 30-да, Zoom.

            16 шілде күні сағат 17: 30-да Кәсіпкерлік қызметті реттеу мәселелері жөніндегі ведомствоаралық комиссияның жанындағы Кәсіпкерлік мәселелері жөніндегі сараптама тобының (бұдан әрі-Сараптама тобы) кезекті отырысы өтеді.

Отырыста құрылыс-монтаждау саласында және жолаушылар көлігі саласында өзін-өзі реттеуді енгізу бойынша, сондай-ақ ұлттық фильмдер мен киножобаларды мемлекеттік қаржыландыру тетігін қайта қарау бойынша реттеушілік әсерді (РӘТ) талдау нәтижелері қаралады.

       Күн тәртібіндегі мәселелер:

• Құрылыс-монтаждау жұмыстарын жүзеге асыратын ұйымдардың міндетті мүшелігіне (қатысуына) және үлескерлердің ақшасын тарту жөніндегі қызметке негізделген өзін-өзі реттеуді енгізу жөніндегі нәтижелерді (РӘТ) қарау;
• Жолаушылар автокөлігі саласындағы мемлекеттік функцияларды өзін-өзі реттейтін ұйымға беру бойынша РӘТ нәтижелерін қарау;
• Ұлттық фильмдер және оларды ұлттық фильмдер деп тануға үміткер киножобаларды мемлекеттік қаржыландыруды жүзеге асыру тетігін қайта қарау бойынша РӘТ нәтижелерін қарау

Сараптама тобының құрамына кәсіпкерлік қызметті мемлекеттік реттеу саласындағы жетекші мамандар, мемлекеттік органдар мен бизнес-қоғамдастықтың өкілдері кіреді.

         Отырыс ZOOM платформасында онлайн форматта өтеді.

Іс-шараны "Экономикалық зерттеулер институты" АҚ ҚР Ұлттық экономика министрлігімен бірлесіп ұйымдастырды.

_____

Кәсіпкерлік мәселелері жөніндегі сараптама тобы Премьер-Министрдің Бірінші орынбасары шешімімен құрылды. Оның құрамына ҰЭМ, "Атамекен" ҰКП, бизнес-қоғамдастық және ғылыми ұйымдардың өкілдері кіреді. Сараптама тобының негізгі міндеті кәсіпкерлік қызметті нормативтік реттеуді жетілдіру бойынша ұсыныстар әзірлеу болып табылады.

Кәсіпкерлік қызметті реттеу мәселелері жөніндегі ведомствоаралық комиссия 2018 жылы ҚР Премьер-Министрінің өкімімен құрылды.

Сондай-ақ мынаны оқыңыз: Кәсіпкерлік мәселелері жөніндегі сараптама тобының отырысы: білім беру ұйымдарын лицензиялау және мемлекеттік аттестаттау мәселелері