ТДМ жөніндегі Хатшылық "Қамқор мектеп: балалардың әл-ауқат индексі" атты тамыз конференциясында сөз сөйледі.

Қатысушылар Қазақстандағы балалардың әл-ауқатын бағалау және аралас оқыту жағдайында оқушыларға психологиялық қолдау көрсету мәселелерін талқылады.

«Экономикалық зерттеулер институты"АҚ (ERI) Тұрақты даму саласындағы мақсаттар жөніндегі Хатшылық директоры Бақытгүл Хамбар "Қамқор мектеп: балалардың әл-ауқаты индексі" секциясы шеңберінде "Назарбаев Зияткерлік мектептері" ДББҰ (NIS) педагогикалық қызметкерлерінің тамыз конференциясында  Қазақстандағы балалардың әл-ауқатын бағалау әдістемесінің жобасын таныстырды.

Секция қатысушылары, педагог-психологтар мен NIS қосымша білім беру педагогтерін қоса алғанда, ҚР-дағы балалардың әл-ауқатын қамтамасыз етуді бағалау және аралас оқыту жағдайында оқушыларды психологиялық қолдау мәселелерін талқылады.

NIS оқушылардың әл-ауқаты департаменті директорының орынбасары Күләш Сәлімбаева аралас оқыту жағдайында оқушыларды психологиялық қолдаудың тәжірибесі мен перспективалары туралы айтыпберді . Сондай-ақ, ол пандемия жағдайында өткізілетін практикалық іс-шаралармен бөлісті.

Бақытгүл Хамбар Қазақстандағы БҰҰ Балалар қорының (ЮНИСЕФ) техникалық қолдауымен ҚР Білім және ғылым министрлігінің Балалардың құқықтарын қорғау комитетінің басшылығымен әзірленіп жатқан ҚР-дағы балалардың әл-ауқатын есептеу индексі әдістемесінің жобасын таныстырды.

Ол елімізде халықтың, оның ішінде балалардың әл-ауқатын арттыру бойынша жүйелі түрде шаралар қабылданып жатқанын атап өтті. Алайда, бүгінде ҚР-да балалардың әл-ауқатын жақсартуға бағытталған шаралардың тиімділігіне жүйелі мониторинг пен бағалау әлі жүргізілмеген.

Сондықтан 2020 жылы Мемлекет басшысы 2022 жылдан бастап Қазақстанда балалардың әл-ауқат индексін енгізуді ұсынды.

"Бұл индекс өңірлер мен негізгі бағыттар бойынша балалардың әл — ауқатын қамтамасыз ету бойынша әлеует пен проблемаларды уақтылы анықтаудың пәрменді құралы бола алады", — деп атап өтті Бақытгүл Хамбар.

Оның айтуынша, "Балалардың қажеттіліктеріне бағытталған жергілікті бюджет шығыстарының үлесі" индикаторы — индекстің маңызды индикаторларының бірі, өйткені балалардың әл-ауқатын қамтамасыз етуде қаржы ресурстары маңызды рөл атқарады.

Спикер жобалық топ ұсынатын ҚР-дағы балаларға арналған бюджетті қалыптастырудың балама нұсқаларын талқылауға ұсынды.

Бірінші нұсқаға сәйкес балаларға арналған бюджетті республикалық және жергілікті бюджеттерге қосымша ретінде ұсыну ұсынылады.

Екінші нұсқа-балаларға арналған бюджетті азаматтық бюджеттің бөлімі ретінде қарастыруды қамтиды.

Сондай-ақ, Бақытгүл Хамбар әрбір ұсынылған нұсқаның артықшылықтары мен кемшіліктері туралы айтып берді.

Әдістеме бойынша түпкілікті шешім мемлекеттік және жергілікті атқарушы органдар мен барлық мүдделі тараптардың талқылауынан кейін қабылданатын болады.

Сондай-ақ мынаны оқыңыз: ТДМ жөніндегі Хатшылық Балаларға арналған бюджетті қалыптастыру әдістемесінің қазақстандық жобасын таныстырды