ТДМ жөніндегі Хатшылықтың қатысуымен

ТДМ жөніндегі Хатшылық Жас ғалымдардың халықаралық форумына қатысады

Іс-шарада 14 елден 200 спикер мен баяндамашы сөз сөйлейді

Экономикалық зерттеулер институты (ERI) АҚ Тұрақты даму мақсаттары жөніндегі Хатшылық директоры Бақытгүл Хамбар "Тәуелсіз Қазақстанның зияткерлік әлеуеті: қалыптасу мен дамудың 30 жылы" атты I Халықаралық жас ғалымдар форумына қатысады.

Іс-шара 2021 жылғы 8-10 қыркүйек аралығында Алматыда өтеді.

Ұйымдастырушы: Ұлттық Ғылым академиясының және ҚР Білім және ғылым министрлігінің қолдауымен Нұрсұлтан Назарбаев Қоры жанындағы Ғылым жөніндегі кеңес.

Қатысушылар: 14 елден – Қазақстан, Беларусь, Ұлыбритания, Германия, Канада, Қытай, Латвия, Португалия, Ресей, АҚШ, Тәжікстан, Түркия, Украина, Франция - 200 спикер мен баяндамашы.

Бақытгүл Хамбар "Қазіргі қазақстандық ғылымдағы тұрақты даму" атты дөңгелек үстелге қатысады. Талқылаудың күн тәртібі Қазақстанда ТДМ қабылданғаннан кейінгі бірінші бесжылдықтың қорытындылары және келесі 5 жылға арналған бағдарлар, елдің 4 ТДМ іске асырудағы сапалы білімге қол жеткізу саласындағы күш-жігері, ТДМ қол жеткізудегі ҚР жетістіктеріне халықаралық ұйымдар қандай баға береді және т.б. сияқты мәселелерді қарауды қамтитын болады.

Форумның негізгі іс-шарасы Қазақстан мен таяу шет елдердің мемлекеттік органдары, Ғылым академиялары, бизнес өкілдерінің қатысуымен "Мемлекеттің, ғылым мен бизнестің өзара іс-қимылы-елдің инновациялық дамуының негізгі факторы" пленарлық сессиясы болады.

Жас ғалымдар ғылыми жобалар көрмесінде өз идеяларын ұсынады, сондай-ақ "Жасыл әлем" және "Тұлға және қоғам"ғылыми сессияларында саланы дамыту бойынша бастамалары мен ұсыныстарын ортаға салады.

Үш күн ішінде Форум алаңдарында ғылым мен кәсіпкерлік коллаборациясы бойынша ашық дәрістер, ғылымды танымал етушілердің ғылыми-танымал воркшоптары, ғылыми жетістіктер көрмесі және еліміздің жас ғалымдарының шоу-кейстері, ғылымның тұрақты дамуы бойынша дөңгелек үстел және жасанды интеллект пен медицинадағы Big Data бойынша конференция өтеді.

Ғылымда алғашқы қадамдарды енді ғана жасап жатқан студенттер мен магистранттарды: алғашқы республикалық кәсіпкерлік диктант, "Science Slam — Қазақстан" зияткерлік сайысы және "Жастар Start UP" инновациялық бизнес-жобалар конкурсы күтеді.

Ғылым форумы гибридті форматта өтеді: Нұрсұлтан Назарбаев Қорының Алматыдағы өкілдігінде барлық санитарлық нормаларды сақтай отырып және scienceforum.kz.-те онлайн — трансляцияда тікелей эфирде

Ғылым форумының ашылуы 2021 жылғы 8 қыркүйекте Нұр-Сұлтан уақыты бойынша сағат 12:00-де өтеді.

Толық бағдарлама іс-шара сайтында