"TURANSEZ" АЭА
11.11.2021
Түркістан облысында 2022 жылы "TURANSEZ" АЭА құрылады Қазақстанда түркітілдес елдерді біріктіретін "TURANSEZ" арнайы экономикалық аймағы құрылады, деп мәлімдеді ҚР Ұлттық экономика министрі Әсет Ерғалиев Түркия мен түркітілдес елдер арасындағы сауда-экономикалық ынтымақтастық жөніндегі "Тәуелсіздіктің 30 жылдығындағы ортақ пайым" атты конференцияда. Министр 2020 жылы Түркітілдес мемлекеттер ынтымақтастығы кеңесінің бейресми саммиті барысында Мемлекет басшысының тапсырмасымен Түркістанда АЭА құрылатынын атап өтті. "TURANSEZ" Түркістан облысының аумағында АӨК өнімдерін қайта өңдеуді, машина жасауды, электр жабдықтарын өндіруді, туристік және білім беру кластерлерін, сондай-ақ өзара тиімді сауда қатынастарына жәрдемдесуді қамтитын өнеркәсіптік — өндірістік кластерді қалыптастыруды көздейді", - деді Әсет Ерғалиев. Министр Тәуелсіздіктің 30 жылы ішінде Қазақстан $380 млрд тікелей шетелдік инвестиция тартқанын, бұл Орталық Азия өңіріне инвестициялардың жалпы ағынының 70% - ын құрайтынын атап өтті. Бұл ретте пандемия әлемнің барлық елдерінің сауда-экономикалық байланыстарына қатысты да, ұлттық экономиканың дамуына да бірқатар түзетулер енгізді. Қазіргі уақытта Қазақстан экономикасы қалпына келтіру траекториясында тұр. 10 айдың қорытындысы бойынша ЖІӨ өсімі 3,5% құрады. Жыл қорытындысы бойынша өсім 4% - ға жетеді деп болжануда.
ҰЭМ басшысы Қазақстандағы инвестициялық ахуалды жақсарту шаралары туралы егжей-тегжейлі айтып берді. Премьер-Министрдің басшылығымен шетелдік инвестицияларды тарту жөніндегі үйлестіру кеңесі жұмыс істейді. Ол инвестициялық жобаларды іске асыру процесінде туындайтын мәселелер бойынша практикалық шешімдерді қарастырады және әзірлейді. "Біздің еліміз ең қолайлы салықтық ынталандыруды ұсынады. Салық және әлеуметтік төлемдер бойынша жалпы мөлшерлеме ЕО және ЭЫДҰ елдерімен салыстырғанда шамамен 10% - ға төмен", - деп қосты ол. Басым салалардағы инвесторлар корпоративтік табыс және жер салықтарын төлеуден 10 жыл мерзімге, мүлік салығынан 8 жыл мерзімге босатылды. Сонымен қатар, Нұр-Сұлтанда "Астана" халықаралық қаржы орталығы жұмыс істейді, оның жұмысы ағылшын құқығына негізделген және елге мүлдем қауіпсіз инвестициялау үшін жағдай жасайды. Шанхай қор биржасымен және NASDAQ-пен бірлесіп АХҚО биржасы іске қосылды. Орталықтың аумағында корпоративтік және жеке табысқа нөлдік салық ставкасы бар қолайлы салық режимі, сондай-ақ оңайлатылған визалық режим қолданылады. Заңнамалық тұрғыдан қолдаудың жаңа құралы – әрбір инвесторға жеке қолдау шараларын ұсына отырып, инвестициялар туралы келісім енгізілді. "Біздің елімізде инвесторлар үшін қолайлы жағдайлар жасалғанын атап өткім келеді. Түркі мемлекеттерінің серіктестеріне Қазақстанда жоғары технологиялық бірлескен кәсіпорындар құруды ұсынамыз, оның ішінде 180 млн — нан астам халқы бар ЕАЭО елдерінің нарығына бағытталған", - деп түйіндеді Әсет Ерғалиев.
 Бұл туралы біздің Telegram арнамызда сілтеме бойынша оқыңыз
Қарау саны: 5262 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
