Қазақстан 2021 жылғы Заң үстемдігі индексінде 66-орынға ие болды

Ел өткен жылдың нәтижесімен салыстырғанда үш позицияға көтерілді.

The World Justice Project халықаралық үкіметтік емес ұйымы 2021 жылғы Заң үстемдігі индексінің (The Rule of Law Index) нәтижелерін жариялады.

Анықтамалық:

Индекс 8 факторға біріктірілген 44 көрсеткіштен тұрады:

1. Билік институттарының өкілеттіктерін шектеу.
2. Сыбайлас жемқорлықтың болмауы.
3. Ашық үкімет.
4. Негізгі құқықтарды қорғау.
5. Тәртіп және қауіпсіздік.
6. Реттеуші құқық қолдану.
7. Азаматтық сот төрелігі.
8. Қылмыстық сот төрелігі.

Көрсеткіштердің мәні 0-ден (ең төмен) 1-ге (ең жоғары) дейінгі шәкіл бойынша бағаланады.

2021 жылғы зерттеуде бағаланатын елдердің саны артып, 139 құрады (2020 жылы 128 ел).

2021 жылғы зерттеу нәтижелері бойынша Қазақстан 0,52 балл нәтижесімен 66-орынды иеленді, бұл ретте индексті есептеу әдістемесіне сәйкес ҚР өткен жылы бағаланған 128 елмен салыстыру жүргізілуіне байланысты өткен жылмен салыстырғанда 3 позицияға көтерілді.

Қазақстан Малави (67 орын), Индонезия (68 орын), Венгрия (69 орын), Непал (70 орын), Панама (71 орын), Босния және Герцеговина (72 орын), Молдова (73 орын), Украина (74 орын), Бразилия (77 орын), Беларусь (97 орын), Ресей (101 орын) сияқты елдерден алда келеді.

"Реттеуші құқық қолдану" факторы бойынша Қазақстан 12 позицияға өсім көрсетті, бұл қорытынды рейтингке көп дәрежеде әсер етті. Жақсарту мынадай көрсеткіштер бойынша күшті позициялармен түсіндіріледі:" Үкіметтік нормаларды қолдану " – 60 орын (0,63 балл)," Нормативтік құжаттардың тиімділігі " – 37 орын (0,61 балл)," Әкімшілік іс жүргізуді кідірту " – 27 орын (0,61 балл).

"Ашық үкімет" факторы бойынша ел өз позициясын 5 пунктке жақсартып, 84 орынға ие болды. Жақсару мынадай көрсеткіштер бойынша күшті позициялармен түсіндіріледі: "Шағымдар тетіктері" – 86 орын (0,53 балл), "Заңдар мен үкіметтік деректерді жариялау" – 54 орын (0,52 балл).

"Тәртіп және қауіпсіздік" факторы бойынша өткен жылмен салыстырғанда позицияның 4 пунктке артқаны атап өтілді. Ел мынадай көрсеткіштер бойынша мықты позицияларды иеленеді: "Азаматтық жанжал тиімді шектелген" — 59 — орын (1 балл), "Қылмыс тиімді бақыланады" - 70-орын (0,77 балл).

Қазақстанның Заң үстемдігі индексіндегі позициясы (The Rule of Law Index)

Дереккөзі: WJP Rule of Law Index

Ескертпе: Позицияны салыстыру 2020 жылы бағаланған 128 елмен жүргізілді. Позицияны өткен жылмен салыстырғанда жаңа 11 ел  ескерілмеген.