ERI-дің қатысуымен

«Серіктестік» ведомствоаралық жұмыс тобының отырысы

 
6 желтоқсанда «Серіктестік» ведомствоаралық жұмыс тобының (ВАЖТ) отырысы өтті. Отырыс жұмысына жұмыс тобының барлық мүшелері, атап айтқанда, Сыртқы істер министрлігі, Еңбек және халықты әлеуметтік қорғау министрлігі, Қаржы министрлігі, Денсаулық сақтау министрлігі, Сауда және интеграция министрлігі, Цифрлық даму, инновациялар және аэроғарыш өнеркәсібі министрлігі, Экология, геология және табиғи ресурстар министрлігі, Ақпарат және қоғамдық даму министрлігі, Стратегиялық жоспарлау және реформалар жөніндегі агенттік, «Зерде» ұлттық инфокоммуникациялық холдингі» АҚ, «Экономикалық зерттеулер институты» АҚ (ERI) және Қазақстандағы БҰҰ Даму бағдарламасының өкілдері қатысты.

Отырыс модераторы ҚР СІМ Көпжақты ынтымақтастық департаменті директорының орынбасары Бауыржан Керімқұлов мынадай мәселелерді талқылады:

1. «Серіктестік» жұмыс тобы аясында ұлттық индикаторлар бойынша статистикалық деректерді жаңарту.

2. ТДМ 17 өзекті индикаторы бойынша жоспарлы/нысаналы мәндерді анықтау.

3. Ұлттық индикаторларды жауапты мемлекеттік органдарға бекіту.

4. Ерікті ұлттық шолуды дайындау (17 ТДМ аясында).

ТДМ Ұлттық индикаторлары жөніндегі статистикалық деректерді жаңарту мәселелері бойынша Ұлттық статистика бюросы Тұрақты даму мақсаттары статистикасы басқармасының басшысы Айнұр Досанова баяндама жасады. Спикер индикаторлар бойынша жұмыстың жоспарлы түрде жүргізіліп жатқанын атап өтті.

ТДМ 17 өзекті индикаторлары бойынша жоспарлы/нысаналы мәндерді анықтау мәселелері жөнінде 17.3.1.2 «Қазақстандық тікелей инвесторлардан шетелге тікелей инвестициялардың жалпы жылыстауының ЖІӨ-ге қатынасы, %», 1.2.1.3 «Шетелдік тікелей инвесторлардан Қазақстанға тікелей инвестициялардың жалпы ағынының қатынасы,%» және 17.3.2 «Алынған жеке аударымдардың (резиденттердің таза еңбекақысы және алынған жеке трансферттер) ЖІӨ-ге қатынасы, %» индикаторлары бойынша ҚР Ұлттық банкінің өкілдерімен пысықталды. 17.3.1.3 өзекті индикаторы бойынша ҚР СІМ тарапынан 2030 жылға дейінгі жоспарлы/мақсатты мәндерді ұсыну бойынша ҚР ҰЭМ мен ҚР ҚМ қатысты сұраныс жасалды.

Ерікті ұлттық шолу тұжырымдамасының жобасын ERI тұрақты даму мақсаттары жөніндегі хатшылығының жетекші сарапшысы Мадина Нұржанова ұсынды. Спикер екінші буындағы Ерікті ұлттық шолудың (ЕҰШ) негізгі негізгі сипаттамаларын, Қазақстанның ЕҰШ 2022 жылғы тұжырымдамасының жобасын, оны дайындау жөніндегі Жол картасын және одан арғы іс-әрекеттерді таныстырды.

Қазақстан ЕҰШ-2022 тұжырымдамасының жобасында Қазақстан ЕҰШ - 2022 мазмұнының жобасы ұсынылды, сондай-ақ Қазақстан ЕҰШ-2022 дайындау процесінде стейкхолдерлермен, азаматтық қоғам және бизнес өкілдерімен өзара іс-қимылды ұлғайтудың маңыздылығы атап өтілді.

ЕҰШ жөніндегі Жол картасының жоспары бойынша ERI сарапшысы ЕҰШ тұжырымдамасын мемлекеттік органдармен, жұмыс топтарының мүшелерімен, үкіметтік емес ұйымдармен және сарапшылармен талқылауды және Жол картасының басқа да іс-шараларын одан әрі жандандыру бойынша сәттерді атап өтті. Спикер сондай-ақ «Серіктестік» ЖТ мүшелерінің тұрақты кездесулерін өткізу бойынша ЕҰШ жұмысын үйлестіруге дайын екенін атап өтті.  

Таныстырылым қорытындысы бойынша БҰҰДБ-ның ҚР-дағы Тұрақты өкілінің орынбасары Виталий Времиш Экономикалық зерттеулер институты ұсынған «төменнен жоғары» (bottom up approach) қағидаты бойынша бес басым мақсатты іріктеу тәсілін, атап айтқанда, «Миссия-2030» ойынын өткізу үшін барлық 17 өңірге сапар семинарлар өткізу ниетін қолдады. Виталий Времиш сондай-ақ басым мақсаттар бойынша шешім көбінесе Үкіметтің шешіміне байланысты болатынын атап өтті.

ҚР СІМ өкілі Бауыржан Керімқұлов ағымдағы жылдың басында Мемлекет басшысы бекіткен Жалпыұлттық басымдықтарды қолдану жөніндегі бастаманы, сондай-ақ ЕҰШ іске асырылу жоспарларын қолдады. Сонымен қатар, ол 2022 жылы Нью-Йорктегі БҰҰ штаб-пәтерінде ТДМ бойынша жоғары деңгейдегі саяси форум аясында тақырыптық сайд-ивентке дайындықтың маңыздылығын атап өтті.