ERI ҚАА-мен ынтымақтастық туралы Меморандумға қол қойды

Бүгін, 21 қазанда "Экономикалық зерттеулер институты" АҚ мен Қазақстанның Азаматтық Альянсы арасында ынтымақтастық туралы Меморандумға қол қойылды. 

"Экономикалық зерттеулер институты" АҚ Басқарма төрағасы Руслан Сұлтанов "Қазақстанның Азаматтық Альянсы" қауымдастығы түрінде ЗТБ президенті Бану Нұрғазиевамен меморандум жасасты.

Тараптар тұрақты даму мақсаттарын (ТДМ) ілгерілету және бірлескен іс-шаралар өткізу саласында ынтымақтасуға ниеттенеді. 

Өзара ынтымақтастықтың негізгі бағыттары мен нысандарына ғылыми және талдамалық зерттеулер жүргізу, білім, құзыреттілік және табысты тәжірибе алмасу, үкіметтік емес ұйымдармен және басқа да секторлармен әріптестік байланыстарды дамытуға жәрдемдесу, бірлескен іс-шараларды ұйымдастыру және өткізу жатады.

Қол қойылған құжат өзара тиімді ынтымақтастықты дамытуға және тереңдетуге және тұрақты даму мақсаттарын ілгерілету саласындағы бірлескен іс-қимылдарды одан әрі жүзеге асыруға ықпал ететін болады.

"Қазақстанның Азаматтық Альянсы" қауымдастық нысанындағы ЗТБ - бүкіл ел бойынша 3000-нан астам коммерциялық емес ұйымдарды қамтитын неғұрлым ірі республикалық бірлестіктердің бірі екенін атап өткен жөн. 

Қараша айында Қазақстан Республикасы Тәуелсіздігінің 30 жылдығын мерекелеу қарсаңында Қазақстанның X Азаматтық форумы өтеді. Оған Экономикалық зерттеулер институтының Тұрақты даму мақсаттары жөніндегі Хатшылығы белсенді қатысады.