ШЫҰ консорциумы

18 қаңтарда Шанхай Ынтымақтастық Ұйымының Экономикалық талдау орталықтары консорциумы сарапшыларының кезекті онлайн кездесуі өтті.

Зерттеу шеңберінде жаһандық әлемдік үрдістер қаралады және ШЫҰ-ға қатысушы елдердің макроэкономикалық жағдайына жалпы талдау жүргізіледі.

Бұл зерттеу ШЫҰ-ға қатысушы мемлекеттердің экономикалық жүйелерінің тұрақтылығы мен бәсекеге қабілеттілігін арттыру мақсатында тұтастай және оның жекелеген элементтері деңгейінде макроэкономикалық саясатты үйлестіруді күшейту тетіктерін айқындауға бағытталған. 

Бұдан басқа, ШЫҰ ынтымақтастығы шеңберінде қатысушы елдерді дамытудың жалпы әлеуеті мен векторлары ретінде: ашықтық саясатын қолдау, дәстүрлі және баламалы энергетиканы дамыту, цифрлық экономика және т. б. атап көрсетілді.

ШЫҰ консорциумы ШЫҰ шеңберіндегі экономикалық өзара іс-қимылдың басым бағыттары бойынша талдау жүргізу және ұсынымдар әзірлеу үшін құрылған консультациялық-сараптама алаңы болып табылады. ШЫҰ-ға мүше мемлекеттердің үкімет басшылары (Премьер-Министрлері) Кеңесінің 2019 жылғы 2 қарашадағы № "120" шешімімен ШЫҰ Экономикалық талдау орталықтары консорциумының регламенті бекітілді.