"Хабар" телеарнасының жаңалықтар шығарылымында "Экономикалық зерттеулер институты" АҚ (ERI) Орталығының сарапшысы Ернар Серік елдегі инфляцияға қатысты түсініктеме берді, сондай-ақ Мемлекет басшысының тапсырмасы бойынша Қазақстан Үкіметі Ұлттық банкпен бірлесіп әзірлеген инфляцияны бақылау бойынша шаралар кешені ҚР-дағы ағымдағы инфляциялық үрдістерді қалай өзгертетіні туралы айтып берді.

"Біз білетіндей, бағаның жоғары деңгейі халық табысының өсуін жеп отыр. Басқаша айтқанда, тұрғындардың сатып алу қабілеті төмендейді және Үкіметтің экономиканы қалпына келтіруге күш-жігерін жоққа шығарады. Әсіресе, халықтың әлеуметтік осал топтары зардап шегуде", - деді Ернар Серік.

2021 жылғы қыркүйекте Қазақстанда инфляция Ұлттық Банктің 4-6%-дың  нысаны кезінде бір жыл ішінде ең жоғары мәндерге жетті (8,9%). 2021 жылдың соңына қарай инфляция баяулады-8,4%. Бұған қыркүйекте қабылданған Үкіметтің 2021-2024 жылдарға арналған инфляцияға қарсы ден қою шараларының кешені ықпал етті.

Сарапшының айтуынша, бағаның өсу факторларын монетарлық және монетарлық емес деп бөлуге болады. Институттың зерттеулері бойынша бағаның өсуіне монетарлық емес жағдайлар 50% - дан астам әсер етеді. Сондықтан бұл мәселені шешу үшін Үкімет Инфляцияны төмендету бойынша жаңартылған шаралар кешенін ұсынды.

Монетарлық шаралар бойынша ҚР Ұлттық Банкінің дезинфляциялық ақша-кредит саясатын жүргізуі және Ұлттық банктің экономиканы қолдаудың мемлекеттік бағдарламаларынан толық шығуы көзделеді.

Монетарлық емес тауарлар арасында-тұтыну тауарларының нақты қолжетімділігін арттыру бойынша шұғыл шаралар қабылдау, реттелетін коммуналдық қызметтер бағаларын арттыруға мораторий енгізу, монополияға қарсы орган мен жергілікті атқарушы органдар бағалар мониторингін жүзеге асыру, сондай-ақ жүйелі шаралар жүргізу ұсынылады.

Сонымен қатар, қыркүйек айында Мемлекет басшысы бүкіл ел бойынша көтерме-тарату орталықтары желілерінің құрылысын жеделдетуді тапсырды. Қасым-Жомарт Тоқаев оларға ұсақ ауыл шаруашылығы тауарларын өндірушілердің қол жеткізуін қамтамасыз етудің маңыздылығын, сондай-ақ бұл нарықты монополияландыруға жол бермеуді атап өтті. Сондай-ақ, бағаны әкімшілік реттеуден халықтың әлеуметтік осал топтарын атаулы қолдауға көшу біртіндеп қамтамасыз етіледі, деп қосты ERI сарапшысы.

"Тұтастай алғанда, Үкімет өзінің алдына инфляция мен оның компоненттерін мақсатты деңгейде ұстап тұру, мемлекеттік реттеу шараларын, институционалдық шараларды, өндірісті ұлғайту жөніндегі шараларды қолдану, сондай-ақ әкетуді шектеу арқылы тауарлар тапшылығына жол бермеу мақсатын қойып отыр. Қабылданып жатқан шаралар бағаны біртіндеп тұрақтандыруға және бизнес ахуалды, оның ішінде инвестициялық ахуалды жақсартуға ықпал ететін болады", — деп қорытындылады Ернар Серік.

"Хабар" ТК бейнесюжетінен сарапшының пікірі

[20:56 — 21:27]

Бұл туралы біздің Telegram-арнамыздан сілтеме бойынша оқыңыз